Psalms 147:5 - Bible Ni Thothup

⁵ Somol rodad e ba gel gelngin ma ba sorok; ma gonop rok e dabiyag i foleg.

Psalms 147:5 Iomraidhean Croise

1 Kronicles 16:25

I SOMOL e rib ga’ ma bin th’abi tolang e sorok e nganog ngak; ir e ngan mathangeluwolnag u fithik’ urngin e pi got.

BABYOR NI JOB 36:5

A mu guy feni gel Got! Got e der ma dabuy be’; ma dariy bochi ban’en ndenang fan.

Psalms 135:5

Gumnang ni SOMOL rodad e ir e ga’, ba ga’ ngak urngin e pi got.

Psalms 145:3

I SOMOL e ba sorok, ma ri lr e thingar ni pining e sorok ngak; rogon feni sorok e dabi taw e leam ngay.

Psalms 40:5

SOMOL ni Got rog, pire’ ban’en ni yira ngat ngay ni kam ngongliy ni fan ngomad; dariy be’ ni bod gur! Bo’or ban’en ni bfel’ nike m’ay i leamnag rom ni fan ngomad. Dabyag ni gu ra weliy ni gubin, ya kayigi pire’.

Psalms 48:1

I SOMOL e ba ga’ ma ngan pining e bin th’abi tolang e sorok ngak u lan fare binaw rok e Got rodad, ngu daken e burey rok nib thothup.

Psalms 96:4

I SOMOL e ba sorok, ere thingar ni pining e sorok ngak; thangri ga’ madgun u wun’uy ngak urngin e pi got.

Psalms 99:2

I SOMOL e rib gel gelngin u lan yu Zion; ir e ba tolang u fithik’ urngin e pi nam.

Isaiah 40:28

Da mu nang? Dawor mu rung’ag? I SOMOL e ir fare Got ni bay i par ndariy n’umngin nap’an; ir e sunumiy e fayleng ni ga’ngin. Dar ma yib e magaer ngak ma dar m’ay gelngin. Dariy be’ ni manang e leam rok.

Jeremiah 10:6

SOMOL, dariy be’ ni bod gur; I gur e th’abi gel gelngim, ma fithingam e ba mathangeluwol ma ba gel gelngin.

Jeremiah 10:7

Gur, mini’ e dabi liyor ngom, pilung ko urngin e nam? Bay tapgin ni ngan liyor ngom. Dariy be’ ni bod gur u fithik’ gubin e pumo’on nib gonop ko pi nam fa fithik’ e pi pilung rorad.

Daniel 2:20

“I Got e ba gonop ma ba gel gelngin! Ngu’un pining e sorok ngak ni manechibog ko pi chibog.

Nahum 1:3

I SOMOL e ba sowath nma damumuw, machane ir e ba gel gelngin ma der ma pag e pi’in kireb ndabi gechig nagrad. Yungin ma yan SOMOL riy e ma sum yungi yoko riy; pi manileng e aram e fiyath ni be tar u rifrifen ay.

Roma 11:33

Rib ga’ e fla’ab rok Got! Ma rib to’ar e gonop rok nge llowan’ rok! Mini’ e rayag ni nge weliy rogon nma turguy Got ban’en? Mini’ e manang rogon kanawo’en nma maruwel?

Revelation 15:3

ni yad be yin’ fare tang rok Moses, ni ir fare tapigpig rok Got, nge fare tang rok fare Fak e Saf, ni ga’ar: “Somol ni Got, ni Gubin ma Rayag Rok, rib sorom ngarogon feni fel’ e ngongol rom! Me gur e Pilung rok gubin e nam, rib mat’aw ma ba riyul’ e tirom e kanawo’!