Psalms 147:11 - Bible Ni Thothup

¹¹ ya ma felan’ ngak e pi’in yad ma liyor ngak, ni pi’in nib pagan’rad ko t’ufeg rok ni dabimus.

Psalms 147:11 Iomraidhean Croise

Psalms 149:4

I SOMOL e ba felfelan’ ngak e girdi’ rok; ma tolangnag e pi’in nib sobutan’rad nma gel nagrad.

Psalms 33:18

I SOMOL e ma yaliy e pi’in bay madgun u wun’rad, ni pi’in ke pagan’rad ko t’ufeg rok ni dabimus.

Psalms 33:22

SOMOL, t’ufeg rom ni dabimus e mang e yigi par romad, bod ni ku gu ted e lagan’ romad ngom.

Psalms 35:27

Pi’in yad ba’adag ni nge m’ug ni bfel’ e rog e mang e yigur tolul niged e felfelan’ ma yad be non ni dab ra talgad ni be lungrad, “Kari sorok SOMOL! Ya bfel’ u wan’ e tapigpig rok nike man’og.”

Proverbs 11:20

I SOMOL e ma fananikay e pi’in kireb lanin’rad, ma bt’uf rok e pi’in yad ma ngongol ni bfel’.

Proverbs 31:30

Feni pidorang be’ ni bpin e rayag ni nge ban nigey, ma pidorang e ma m’ay, machane be’ ni bpin ni be par ni bay madgun SOMOL u wan’ e thingar nog e sorok ngak.

Isaiah 62:4

Dakuriy e ngiyal’ ni yira pining ngachalem ni “Kan n’ag,” fa ni pining fithingan e nam rom ni “Fa En ni le’engiy ni Kan Tharbeg.” Bin ni be’ech e ngachal rom e ba’aray “Got e ba fel’uwan’ fare Pin.” Nam rom e bay ni pining ni “Felfelan’ ko Mabgol Rok,” ni bochan e SOMOL e gab fel’uwan’ ma bayi par ni bod nike figirngiy e nam rom.

Zefaniah 3:17

Fare SOMOL ni Got romed e be par romed; ni gelngin e be gel nagmed. Bayi felfelan’ SOMOL ngomed, ma fithik’ e t’ufeg rok e bayi pi’ reb e yafos nib be’ech ngomed. Bayi tang ma be felfelan’ ngomed,

Numbers 14:8

Ra gadad bfel’ u wan’ SOMOL, ma ra fekdad ngay me pi’ ngodad e re nam nem ni pire’ ban’en riy ma ba yong’ol e but’ riy.

1 Peter 1:13

Mu fal’eged rogon lanin’med ni ngam ngongolgad. Mi gimed tiyan’med ngari l’agan’med ko tow’ath ni yira pi’ ngomed ko ngiyal’ nra yib i m’ug Jesus Kristus.

1 Peter 1:17

Gimed ma pining Got ni Chitamangimed ko ngiyal’ ni gimed ma meybil ngak, ni ir e ma pufthinnag urngin e girdi’ nder ma laniyan’, nra be’ ma be yan u rogon e tin ni i rin’; aram fan nthingar mu pired ni n’umngin e yafos romed u roy u fayleng ni gimed be liyor ngak.

1 Peter 3:4

Ya lanin’med e nge par nib pidorang, ni aram e pidorang ni dabi m’ay ni aram e leam nib sumunguy ma ba gapas, ni ir e ba ga’ fan u mit Got.