Psalms 146:9 - Bible Ni Thothup

⁹ Ma yoror ko pi milekag ni yad ma par u daken e but’ rodad; ma ayuweg e pi’in ke yim’ figirngirad nge pi’in kanim’ rorad, machane ma kirebnag wo’en e pi’in kireb.

Psalms 146:9 Iomraidhean Croise

2 Samuel 15:31

Nap’an nnog ngak David nike un Ahithofel ko ba’ rok Absalom e girdi’ ni ngar togopluwgad ngak, me ga’ar David, “SOMOL, wenig ngom, mu pingeg e fonow rok Ahithofel nge par ni thin ko balyang!”

2 Samuel 17:23

Ma fa’ani guy Ahithofel nda nfol ko tin keyog, me af nga daken e dongki rok nge sul ko birok e binaw. Me fal’eg rogon e tirok ban’en, nge mu’ me uchiliy k’angan. Mi ni yan ni chibgiliy ko re low ni ba’aram ni yima chibgiliy girdi’en e tabinaw rok ngay.

Ester 5:14

Ma aram e ba’aray e n’en ni yog le’engin nge pi tafager rok ngak, “Mangfan ndab mog ngan chamey ba fen e mo’ochol, ni medlip i ragag nge lal e fit tolngin? Me gabul ni kadbul ma gog ngak fare pilung ngan uchuluy Mordekai riy, ngemu’ ma ga yan ko mur ni ga ba felfelan’.” Me leamnag Haman ni bfel’ e re thin nem, ma aram me yog ngan chamey fare fen e mo’ochol.

Ester 7:10

Ma aram mi ni uchuliy Haman nge yim’ ko fare fen e mo’ochol nike chamey ni fen Mordekai. Aram me m’ay e damumuw rok fare pilung.

Ester 9:25

Machane yan Ester ngak e en pilung, me yoloy fare pilung e tin ngan rin’ ni Haman e nge aw fare gafow ngak ni tanomnag ni nge aw ko pi Jew, ir nge pifak ni pumo’on e ni uchliyrad ko fare tafen e mo’ochol

Psalms 10:14

Machane ga be guy; ga be yaliy e oloboch nge gafgow ma urngin ngiyal’ ni ka mu fal’eg rogom ni ngam pi’ e ayuw. Pi’in dabyag rorad ni ngar ayuwegedyad e ka ra pi’edyad nga pa’am; gubin ngiyal ni ga ma ayweg e pi’in ni ba t’uf e ayuw rorad.

Psalms 145:20

Ma yoror rok urngin e pi’in nib t’uf rorad, machane ra thang e pogofan rok urngin e pi’in nib kireb.

Psalms 147:6

I Somol e ma ayweg e pi’in gafgow, machane ma pirdi’iy e pi’in kireb nga but’.

Psalms 18:26

Ga ba machalbog ko pi’in yad bmachalbog, machane ga ma dumpamam ko pi’in yad ba kireb.

Psalms 68:5

I Got, nma par u lane Tempel rok nib thothup, e ma ayweg e pi’in kanim’ rorad mma yoror rok e pi’in ke yim’ figirngirad.

Proverbs 15:25

I SOMOL e ma gathey e tabnaw rok e pi’in tolngan’, mma yoror u tafen be’ nike yim’ figirngin.

Proverbs 4:19

Machane, fare pa’ i kanawo ko girdi’ ni kireb, e bod feni rumug e nep’. Bay ur dol’gad, machane dab ra guyed ko mang e be tun ayrad ngay.

Jeremiah 49:11

Mu paged e pi aromed ni kanim’ rok rog, bay gu chothowliyrad. Pi aromed nike yim’ figirngin e rayag ni ngar toergad ngog.

Hosea 14:3

Yu Assyria e dabiyag ni ngar chuweged gamad ko riya’, ma pi os ko mael e dabiyag ni ngar yororiyed gamad. Ri dab ku gogned bayay ngak e pi liyos romad ni yad e Got romad. A SOMOL, ga ma dag e wurngan’ ngak e pi’in dakriy be’ ni yad ra man ayuw ngak.”

Malaki 3:5

Be ga’ar SOMOL ni Gubin ma Rayag Rok, “Bay gub gu m’ug u fithik’med ni nggu pufthin, ma bay gu welthin nib togopluw ngak e pi’in yad ma pig, nge pi’in yad ma par e girdi’ ni gathi mabgol rorad, nge pi’in yad ma lifith l’ugunrad u tafen e puf oloboch, nge pi’in yad ma ban nag e pi’in yad be maruwel rorad ngu’ur pi’ed puluwrad ni buch’uw, nge pi’in yad ma gafgownag e pi’in ke yim’ figirngirad, nge pi’in kanim’ rorad, nge girdi’ nu bang, nge gubin e pi’in ndarir ted fag.”

1 Korinth 3:19

Ya n’en ni be tafinaynag e pi’in nib mil farad ko re fayleng ney ni aram e gonop, e bm’ay fan u p’eowchen Got. Ni bod rogon ni be yog e babyor nib thothup ni be ga’ar, “Gonop nge llowan’ rok e girdi’ e ir e ma maruwel Got ngay nge mang wup ngak e girdi’ ”;

Deuteronomy 16:11

Mu felfelan’ gad u p’eowchen SOMOL ni Got romed, ni gimed nge pifakmed, nge pi tapigpig, nge pi Levite, nge milekag, nge pi’in kanim’ rorad, nge pi’in ke yim’ figirngirad ni yad ma par u lan fa yoch i binaw romed. Mu rin’ed ni aray rogon ko fa ta’gin’en ni tagil’ e liyor.

James 1:27

Ba’aray e n’en ni be finey Got ni Chitamangiy ni ir e bin nib machalbog ma ba riyul’ e liyor ngak, ni aram e ngan ayuweg e bitir ndariy e gallibthir rorad nge pi’in ni ppin nike yim’ e pumo’on rorad ma yad be gafgow, mu’un ayuwegey nge dabi kirebnigey e kireb nu fayleng.