Psalms 146:7 - Bible Ni Thothup

⁷ mma turguy e tin bmat’aw ni fan ngak e pi’in yibe gafgow nagrad mma pi’ e ggan ngak e pi’in karm’ad ko bilig. I SOMOL e ir e pag e pi kalbus

Psalms 146:7 Iomraidhean Croise

Psalms 10:18

Bay mu rung’ag e meyor rok e pi’in yi be gafgow nagrad nge pi’in kanim’ rorad; bay mu duwgiliy ni yad bfel’, ya nge tal e girdi’ ni dab kur k’arnged e marus ngorad.

Psalms 103:6

SOMOL e ma turguy e tin ni bfel’ ni fan ngak e pi’in yibe gafgow nagrad nge pi’ ngorad mat’awrad.

Psalms 12:5

Be ga’ar SOMOL, “Chiney e bay gub, ni bochan e pi’in ba t’uf e ayuw rorad e yibe gafgow nagrad ma pi’in yibe gafgow nagrad e yad be gel’gel’ u fithik’ e amith. Bay gu pi’ ngorad e re ayuw ni yad be yim’ ni bochan.”

Psalms 136:25

Ma pi’ e ggan ko urngin e yafos; t’ufeg rok e ba manemus.

Psalms 142:7

Mu chuwegeg u fithik’ e gafgow ni kug aw ngay; ma aram e gu ra pining e sorok ngom u lane mu’ulung rok e girdi’ rom ni bochan e ri gab gol ngog.

Psalms 35:10

Bayi lungug ngak SOMOL u polo’ i lanin’ug, “Dakuriy be’ ni bod gur. Ga ma yororiy e me’waer u pa’ e yargal, nge ba gafgow u pa’ e en ma gafgownag.”

Psalms 68:6

Ma pi’ e tabnaw ko pi’in dakuriy be’ rorad, ma chuweg e girdi’ u kalbus miyad felan’ ni ka ni pagrad, ma pi tatogopluw e bay ra pired u lan bbinaw ni kann’ag.

Psalms 68:7

A Got, nap’an ni mu pow’iy e girdi’ rom, ngam marod ngam th’abed e ted ni desert,

Psalms 72:4

Mang e yigi turguy e en pilung e tin ba manigil ni fan ko pi’in gafgow; mang e yigi ayuweg e pi’in ke t’uf e ayuw rorad, me gechignag e pi’in yad be gafgow nagrad!

Psalms 9:16

Ke gagiyegnag SOMOL kannang ko ir mini’ u daken e pufthin rok nib mat’aw; ma pi’in kireb e ke tafchiyrad e ngongol rorad.

Isaiah 61:1

I SOMOL ni Th’abi Tolang e ke sug nigeg ko Kan Nthothup rok. Ir e mel’egneg me pi’eg nggu wan ni nggu fek e thin ni bfel’ i yan ngak e girdi’ ni gafgow, ni nggu fal’eg laniyan’ e pi’in ke kireban’rad, mu gog ngak e pi’in ka ni fekrad nga reb e nam ni kar kalbusgad, nge pi’in yad bay u kalbus ni bay ni pagrad.

Isaiah 9:4

Ya ka mu t’ar fare mat’ ni ur gafgowgad u tanggin, nge fare ley i gul ni un tay nga daken porad. I gur e kamgel ngak fare nam ni i gafgownag ma be fek ban’en rok e tirom e girdi’, ni bod rogom ni mu gel ngak e salthaw nu Midian kakrom.

Jeremiah 31:14

Ma bay gu suguy e pi prist ko tin th’abi fel’ e ggan, mu gu chum’ernag e girdi’ rog ko urngin e tin bt’uf rorad. I Gag SOMOL e kugog e pi thin ney.”

Malaki 3:5

Be ga’ar SOMOL ni Gubin ma Rayag Rok, “Bay gub gu m’ug u fithik’med ni nggu pufthin, ma bay gu welthin nib togopluw ngak e pi’in yad ma pig, nge pi’in yad ma par e girdi’ ni gathi mabgol rorad, nge pi’in yad ma lifith l’ugunrad u tafen e puf oloboch, nge pi’in yad ma ban nag e pi’in yad be maruwel rorad ngu’ur pi’ed puluwrad ni buch’uw, nge pi’in yad ma gafgownag e pi’in ke yim’ figirngirad, nge pi’in kanim’ rorad, nge girdi’ nu bang, nge gubin e pi’in ndarir ted fag.”

Luke 1:53

Ke pi’ e tin ni bfel’ ban’en ngak e pi’in yad be yim’ ko bilig, ma ke pag e pi’in pire’ ban’en rorad karanod ndariy ban’en u pa’rad.

Luke 4:18

“Fare Kan ni Thothup rok Somol e ke yib nga dakenag. Ke gapgep nigeg ni nggu machibnag e Thin Ni Bfel’ ngak e pi’in gafgow, ke l’oegeg ni nggog ngak e pi’in kan kolrad kan tayrad ni bay ni pagrad, mu gog ngak e pi’in malmit ni bay ra guyed ban’en, ma nggu chuweg ko gafgow e pi’in yibe gafgow nagrad,

Luke 9:17

Ma yad urngin nra ked ngar fosgad ngay; me kunukunuy pi gachalpen Jesus e tin ni aw nde m’ay i kay me gaman ragag nge l’agruw e dug riy.

Acts 16:26

Mi yigi yib ba durru’ nrib gel, nge rurug fare kalbus nge mada’ ko def riy. Ma ka chingiyal’ nem me mab urngin e mab, me mul e chen u downgin urngin e kalbus.

Acts 5:19

Machane re neap’ i n’em e yib ba engel rok Somol i bing e pi garog ko kalbus, me pow’iy fapi apostel nga wuru’ e kalbus, me ga’ar ngorad,