Psalms 141:9 - Bible Ni Thothup

⁹ Mu ayuwegneg ko fapi tafich ni kar ted ni nggu aw ngay, fapi wup rok e pi ta ngongol kireb.

Psalms 141:9 Iomraidhean Croise

Psalms 119:110

Girdi’ nib kireb e kar ted e wup ni nggu aw ngay, machane dawor gu pi’ keru’ug ko tin ni kamog ni ngan rin’.

Psalms 140:5

Girdi’ nib tolangan’rad e kar fal’aged ba tafich ni fan ngog; kar ted e wup rorad, ma to’oben e wo’ kar ted e pi tafich ngay ni ngar koledgag.

Psalms 142:3

Nap’an nra yan ni nge mulan’ug, ma manang e tin nthingar gu rin’. U lan e kanawo’ ni gin gu be yan riy, e ke pacheg e pi to’ogor rog ba wup ni nggu aw ngay.

Psalms 142:4

Gu ra changar u chireg, mug guy ndariy be’ nra aywegeg, dariy be’ nra yoror rog. Dariy be’ nra magfan’ ngog.

Psalms 38:12

Pi’in yad ba’adag ni ngar thanged e fan rog e yad be tay e wup ni nggu aw ngay, ma pi’in yad ba’adag ni ngar maad’adgad ngog e yad be yog ni ngar gafgow nigedgag; darir talgad ko makath nib togopluw ngog.

Psalms 57:7

A Got, rib pagan’ug ngom; Bay gu tang nggu pining e sorok ngom!

Psalms 64:3

Yad be uthum bolowtherad ni bod yungi saydon, yad be pulweg e thin ni kireb ni bod bogi gan e gat’ing.

Proverbs 13:14

Machib ko pi’in gonop e ba athang’el ko yafos, ra ayuwegnem ngam thay ko ngiyal’ ni ga be yan u thathren e riya’.

Jeremiah 18:22

Mu pi’ ba ulung i girdi’ ni kireb ngorad nga yugur gin gad ma kan giliw nagrad; mu gagiyeg nagrad ngar yorgad ni ka ra paged lamrad ngalang ni bochan e marus. Kar kered ba low ni nggu mul nga langgin, ma ka ra ngongliyed e wup ni nggu aw ngay.

Luke 20:20

Ma aram mu ur guyed rogon e ngiyal’ nrayag riy. Miyad pi’ puluwon boch e pumo’on ngranod ngak Jesus ni ngar fithed yu bugithin ngak ni susun e riyul’ ni yad ba’adag ni ngar nanged e fulweg riy, machane yad be guy rogon ni nge aw Jesus ko wup rorad ko thin ni ngar fithed ngak, ni fan e nge yag nra pi’ed Jesus nga pa’ e cha’ ni ir e am nu Roma ni bay mat’wun nge gelngin.