Psalms 141:5 - Bible Ni Thothup

⁵ Be’ nib manigil e mang e ra gechig nigeg me puwan’ ngog u fithik’ e t’ufeg, machane gag e dariy liben me fel’ u wun’ug e tayfan rok e girdi’ ni kireb, ni bochan e gubin ngiyal’ ni gu ma meybil nib togopluw ko tin yad be rin’ nib kireb.

Psalms 141:5 Iomraidhean Croise

2 Kronicles 25:16

Dawori mu’ fare profet ko numon me ga’ar Amaziah, “Mog wu’in e kan tem ni gur e tafonow rok e en pilung? Mu tal ko welthin, fa ngugog ngan li’em nga mum’!” Me tal fare profet ko welthin nga tomuren nike ga’ar, “Aram e kugnang e chiney nike turguy Got ni nge thirifem u but’ ni bochan e ka mu rin’ urngin e pin’ey ma ka mu fek yathin e fanow rog.”

Psalms 125:4

SOMOL, mu gol ngak e pi’in yad bfel’, ni pi’in yad be fol ko tin kamog ni ngan rin’.

Psalms 23:5

Ga ma ngongliy e mur ni fan ngog ko gin ra guyeg urngin e pi to’ogor rog riy; ga ma gapgep nigeg ya ga ma felan’ ngog ni ku gub, ga ma suguy e kap rog nge mada’ nga marichlen.

Psalms 51:18

Got, mu runguy yu Zion, ngam ayuweg; mu ubung bayay e yoror nib liyeg e binaw nu Jerusalem.

Proverbs 12:1

En nib t’uf e llowan’ rok e ba’adag ni nganog ngak e kireb rok. Ba aliliy e en ni dabun ni ngan yal’uweg.

Proverbs 15:22

Mu fek gubin e fanow nrayag ngom, ma rayag e tin ga be leamnag; mra dariy ma dabi fel’ rogom.

Proverbs 15:5

Rib balyang ni ngam pi keru’um ko fonow nike tay e gallabthir rom ngom; rib manigil ni ngar yal’uwegem ma ga fol.

Proverbs 19:25

Be’ nib tolngan’ e thingar ni gechignag, ya nge yag ni fil e pi’in der nanged ban’en riy. Ma fa’anra ga ba gonop ma ga ra fil ban’en ko ngiyal’ ni yibe yal’uwegem.

Proverbs 25:12

Ba fnow ni tay be’ ni manang e n’en ni be yog ngak be’ nib m’agan’ ni nge motoyil, e ka baga’ fan ko luwaw ni gol, ara nunuw nni ngongliy ko gol nib th’abi fel’.

Proverbs 6:23

Pi fonow rorow e ba magal ni be mat’; chep ni yow be tay ngom e rayag ni nge fil ngom rogon e par.

Eklesiastes 7:5

Kabfel’ ni ngi i puwan’ e pi’in nib gonop ngom ko bin ngi i tang nagem e girdi’ ni manan’ ni yad be yog e sorok ngom.

Levitikus 19:17

“Dabi par be’ ni be fanenikay be’, ya nge yan nge non ngak, nge dabi denen ni bochan fa’anem.

Matthew 5:44

Machane chiney e nggog ngomed ni nge lungug, Nge t’uf romed e pi to’ogor romed, mpi’ed e meybil rok e pi’in yad be ngongliy e kireb ngomed,

Galatia 6:1

Pi walageg ni girdi’en Kristus, fa’anra rin’ be’ ban’en nib kireb, ma gimed e pi’in ni fare Kan ni Thothup e be gagiyeg nagmed e ngam guyed rogon fa’anem nge sul ngarogon nge par nike mat’aw bayay; machane thingar mu rin’ed u fithik’ e sumunguy. Ma ku er rogomed ni ngam guyed rogomed, nge dabiyag ni mu paged gimed ko n’en nma pingeg e girdi’ nge denen.

Revelation 3:19

Gu ma puwan’ ma gu ma gechignag urngin e pi’in yad ba t’uf rog. Ere mu tiyan’um ngam pi’ keruum ko denen ni ga be rin’.