Psalms 141:2 - Bible Ni Thothup

² Nge fel’ u wun’um e meybil rog ni bod e incense, nge pa’ag ni kug tining ngalang ni bod ba maligach ni blayal’.

Psalms 141:2 Iomraidhean Croise

1 Kings 18:36

Fa’ani taw ko ngiyal’ ni yima pi’ e maligach riy ko mithig yal’, me yib Elijah ko fare altar nge meybil ni ga’ar, “SOMOL ni gur fare Got rok Abraham nge Isak nge Jakob, mmicheg e chiney ni gur fare Got rok yu Israel, me gag e tapigpig rom ma urngin e pin’ey e kug ngongliy ni bod ni kamog ngog.

Ezra 9:4

Gu par u rom ni gu be yor nge taw nga nap’an ni ngan pi’ e maligach ko blayal’, me tabab e girdi’ ko mu’ulung ni kar liyeged gag — gubin e pi’in ni kar rusgad ni bochan e n’en ke yog fare Got nu Israel ni murung’agen e denen ko pi’in kar sulod ko gin ur kalbusgad riy.

Psalms 134:2

Mu chibiyed pa’med ngalang ngam meybilgad u lan e Tempel, ngam pininged e sorok ngak SOMOL!

Psalms 28:2

Mu rung’ag lungug u nap’an ni gu ra man ayuw ngom, ko ngiyal’ ni ku gu chibiy pa’ag ngalang ko Tempel rom nib thothup.

Psalms 5:3

ga ma rung’ag lamag ni kakadbul; ra yib e yal’ ngalang mu gu meybil mu gu son ni ngam fulweg taban.

Psalms 63:4

Bay ug pining e magaer ngom u n’umngin nap’an e yafos rog; bay gu pug pa’ag ngalang nggu meybil ngom.

Exodus 29:39

Reb e gali pifak e saf ney e ngam pi’ ni maligach ni kadbul ma reb e blayal’.

Exodus 35:15

nge fare altar ni yima urfiy e incense u daken, nge mat’ riy; nge fare gapgep ni fen e mathiy; nge fare incense ni bfel’ bon, nge fare gi kateng ni fen langan e mab ko fare Tent;

Proverbs 15:8

Ma felan’ SOMOL ko ngiyal’ nra meybil e girdi’ ni bfel’, mma fanenikay e pi maligach nma pi’ e pi’in kireb ngak.

Daniel 9:21

Nap’an ni gu be meybil, me Gabriel ni fa’anem ni ka’ag guy ko fa yanem ni pilyeg e changar rog, nike changeg i yib nga but’ ko gin gu bay riy. Ni aram e ngiyal’ ni yima pi’ e maligach ni blayal’.

Malaki 1:11

Girdi’ u gubin yang u fayleng e yad be liyor ngog. Gubin yang ni yad be urfiy e incense riy ngar pi’ed ngog ma yad be pi’ e tin ni bfel’ e maligach. Yad gubin ni yad be liyor ngog!

Numbers 16:35

Me pi’ SOMOL ba nifiy ni be dramram nge urfiy fa 250 i pumo’on ni kar pi’ed e incense.

Acts 3:1

Reb e rran me yan Peter nge John nga Tempel ko dalip e kolok ni mathig yal’, ni aram ngal’an e meybil.

1 Timothy 2:8

Gubin yang ni yira mu’ulung ngay ma gub adag ni pumo’on e nge meybil riy, ni pumo’on ni kar pi’ed yad nga pa’ Got mrayag ni ngar puged pa’rad ngalang ngar meybilgad ndarir damumuwgad ara yad be tugthin.

Revelation 5:8

Ma fa’ani yodorom me paraw fa aningeg i n’em ni yad ba fos nge fa rliw’ nge aningeg i pi’ilal nga but’ u p’eowchen fare Fak e Saf. Ma ra bagayad ma bay reb e tatelin e musik u pa’ ni harp, nge baraba’ i ban’en nib gol nib sug nga bogi ban’en ni bfel’ bon ni yima urfiy, ni ireram e meybil rok girdi’en Got.