Psalms 14:4 - Bible Ni Thothup

⁴ Me fith SOMOL ni ga’ar, “Gur dar nanged? Gur urngin e pi cha’ney ni yad be ngongliy e kireb e de tamilangan’rad? Kar pired yad be leag u fithik’ e yargel e tirok e girdi’ rog, ma darir meybilgad ngog.”

Psalms 14:4 Iomraidhean Croise

BABYOR NI JOB 21:15

Yad be tafinaynag nde t’uf ni ngan pigpig ngak Got ma ku dariy fel’ngin ni ngu’un meybil ngak.

BABYOR NI JOB 27:10

Thingar ra chogow niged e felfelan’ nma pi’; thingar rmaybilgad ngak ni gubin ngiyal’.

Psalms 27:2

Ngiyal’ nra cham e girdi’ nib kireb ngog ni yad be guy rogon ni ngar thanged e fan rog, ma ra tun ayrad ngar dol’gad.

Psalms 79:6

Mu cheleg e damumuw rom nge sap ko pi nam ni darir liyorgad ngom, nge nga daken e girdi’ ni der meybil ngom.

Psalms 82:5

“Ri dariy ban’en ni gimed manang ma ku dariy ban’en ni gimed manangfan. Kam polo’ i kirebgad, ma ke math mit e mat’aw u fayleng.

Proverbs 30:14

Bay boch e girdi’ ni kemang i tay ngorad ni yad ma gafgownag e pi’in gafgow nge pi’in nib t’uf e ayuw rorad ni bochan e nge yag gubin ban’en ngorad.

Isaiah 27:11

Papa’ngin e gek’iy e ke l’ud be m’ingm’ing, be kunuy e pi’in ppin ni nge mang l’ud. Bochan e dar nang e girdi’ fan ban’en, me’ere Got ni En ni Sunumiyrad e bay dabki kirban’ ngorad ara dag bochu’uw i marunguy ngorad.

Isaiah 29:14

Ere bay gu gineangrad ko dumow rog bayay nge bayay. Pi’in yad ba gonop e ra yan i par ni yad bbalyang, me m’ay fan urngin e llowan’ rorad.”

Isaiah 45:20

Be ga’ar SOMOL, “Mmu’ulung gad e girdi’ ko pi nam, ni urngin e girdi’ ni fos nnap’an ni waer e pilung romed ko mael, mired nga ni pufthin nagmed! Pi’in yad ma fek e liyos rorad ni ren ngu’ur thelepgad u kanawo’ ma yad be meybil ngak bogi got ndabiyag ni nge ayuwegrad, e yad bod e girdi’ ni dariy ban’en ni yad manang!

Isaiah 5:13

ere bay ni kolmed ngan fekmed nga wuru’ e nam ni gimed bogi kalbus. Pi’in yad ma yog e thin romed e bayi chugur ni nge li’rad e bilig, ma yug girdi’ e bayi chugur ni ngarm’ad ni balel.

Isaiah 64:6

Gamad gubin ni gamad ba tadenen, ni mus ko tin th’abi fel’ e ngongol romad nrib alit. Bochan e denen romad, ma gamad bod yuwan e gek’iy nike mororoy ke yib e nifeng i changegnag.

Isaiah 64:7

Dariy be’ ni ka be meybil ngom; ma dariy be’ ni ka be yib ngom ni ngam ayuweg. Kam mithegem romad, ma kam n’agmad ni bochan e denen romad.

Jeremiah 10:25

Mu sapeg e damumuw rom ko pi nam ndarir liyor gad ngom nge nga daken e pi’in ni ka ra furyed gur. Kar li’ed e girdi’ rom; ma karted gamad ko bin but’ e fol ka ra paged e nam romad ni dakriy woton u but’.

Hosea 7:7

“U fithik’ gawelngin e damumuw rorad miyad thang e pogofan rok e pi’in nma gagiyeg nagrad. Yu gur pired ni yad be thang e fan rok e pi pilung rorad, ma dariy be’ ni meybilnag e ayuw ngog.”

Amos 8:4

Mu telmed ko pi thin ni ba’aray, gimed e pi’in ni gimed be yot’ nga but’ e pi’in be gafgow ma gimed be guy rogon ni ngam thanged e pogofan rok e pi’in ni gafgow ko nam.

Roma 1:28

Bochan e daburad ni ngar ted u fithik’ i lanin’rad e tin riyul’ ni murung’agen Got, ma aram e ke pagrad Got yad be leamnag e tin nib kireb, ma yad be ngongliy e pin’en ni susun e dab ra ngongliyed.

Galatia 5:15

Machane fa’anra um ngongolgad ni bod e gamanman ni malboch ni gimed be kirebnag lanin’med ma gimed be gafgow nagmed, me ere ngam ayuwgad, ya bay mu li’ed gimed ngam m’ad.