Psalms 139:2 - Bible Ni Thothup

² Ga manang urngin e tin ni gu ma rin’; ra mpar u urel ma ba tamilangan’um u urngin e tin ni gu be leamnag.

Psalms 139:2 Iomraidhean Croise

Genesis 16:13

Me fith Hagar u wan’ ni ga’ar, “Gur cha’ney ni kug guy e irera’ fa’anem nma guyeg?” Ma aram me tunguy fithingan SOMOL ni ga’ar, “Ba Got ni Ma Guy.”

2 Kings 19:27

“Machane gu manang urngin ban’en rom, n’en ni ga be rin’ nge gin ga be yan ngay. Gu manang rogon e damumuw rom ngog.

2 Kings 6:12

Me ga’ar bagyad, “Pilung, gathi bagamad, ya Elisa ni fare profet e ir e be weliy ngak e pilung nu Israel e thin ni ga be yog, ni mus ko pin’en ni ga be yog u lan e senggil rom.”

Psalms 44:22

Machane bocham ma aram fan ni gamad e pitapigpig rom e yibe li’mad ni gubin ngiyal’, kan ta’mad ni bod e saf ni ngan thang e fan rok.

Psalms 56:8

Gamnang feni gel e gafgow ni gu be tay; ka mu yoloy gubin gaf i lu’ag nike map’. Dariy u babyor rom ni ka mu yoloy?

Psalms 94:11

SOMOL, e manang e n’en ni gadad be leamnag; manang fane bm’ayfan e tirorad e leam.

Proverbs 15:3

I SOMOL e be guy urngin ban’en ni yibe rin’ u gubin yang, ndemturug ko tin bfel’ ara tin kireb e gadad be rin’ ma be yaliydad.

Isaiah 37:28

“Machane gu manang urngin salpem, ni n’en ni ga be rin’ nge gin ngam sor ngay. Gumnang rogon e damumuw rom nib togopluw ngog.

Ezekiel 11:5

Meying fare kan nthothup rok SOMOL ngog, me yog SOMOL ngog ni nggu pi e re thin ni ba’aray ko girdi’: “Gimed e girdi’ nu Israel, I gag e gumnang e n’en ni gimed be yog nge n’en ni kam puruy’ niged.

Ezekiel 38:17

I gur e cha’ ni gu weliy murung’agem kakrom, gu weliy u daken e tapigpig rog, ni fapi profet nu Israel, ni pi rran ni bay i yib e bay gu tay be’ ni nge cham nga Israel.” I SOMOL ni Th’abi Tolang e be non.

Zekariah 4:10

(a) Bayi kireban’rad ya rib sag’al e maruwel ni be yan. Machane bay ra guyed Zerubbabel ni ka be toy fare Tempel ni dertal, me felan’rad.” (b) Fare engel e ga’ar ngog, “Fa medlip i magal e aram fa medlip i lan owchen SOMOL ni be changar u daken e fayleng.”

Matthew 9:4

Me nang Jesus e n’en ni yad be leamnag me ga’ar ngorad, “Mang ni gimed be leamnag e pin’en ni be’er nib kireb ni gimed be leamnag?

Luke 9:47

Ma manang Jesus e n’en ni yad be leamnag, me ere kol pa’ bochi tir, me sak’iynag nga to’oben,

1 Korinth 4:5

Ere dab mu turguyed e kireb nga daken be’ u m’on ndawori taw nga nap’an. Bin tomur e pufthin e thangri son nge yan i mada’ ko ngiyal’ ni bayi sul Somol riy ni ba’aray rogon: bayi fek nga tamilang e tin yibe mithag me dag nga tamilang e tin nib mith ni i leamnag e girdi’. Ma aram e ra be’ ni bay rogon ni nge pining Got e sorok ngak ma bayi pining Got e sorok ngak fa’anem.

Deuteronomy 31:21

ma aram e bayi pire’ e gafgow nrib gel ni bayi yib ngorad, machane re tang ney bay i par ni yibe yin’ nib togopluw ngorad, ya pi’in owcherad e bay ur pired ni ka yad be yin’ e re tang ney. Mus ko chiney u m’on ndawor gu fekrad i yan ngalan e re nam nem ni gu micheg ni bay gu pi’ ngorad ma gu manang e n’en ni yad be leamnag.”