Psalms 135:7 - Bible Ni Thothup

⁷ Ir e ma fek yungi manileng ko yoko’ u tungun e fayleng i yib; mma mateg e uluch u fithik’ e yoko’, ma ir e ma l’oeg e nifeng u lan e chibgil rok nge yib.

Psalms 135:7 Iomraidhean Croise

1 Kings 18:1

Me yan i bingyal’ u lan e bin dalip e duw ni daki aw e n’uw, me ga’ar SOMOL ngak Elijah, “Mman ngam m’ug ngak Ahab ni Pilung, ya bay gu pi’ e n’uw nge yib.”

BABYOR NI JOB 5:10

Be pi’ e n’uw nge aw nga daken e binaw nge tarannag e but’.

Psalms 107:25

I non, me thow nifngin e yoko’, me sum e n’ew ni ba ga’.

Psalms 148:8

nge uluch nge ayis nike el, nge ayis nib munguy nma mul u lang nga but’, nge pi manileng, nge nifeng nib gel ni be fol ko thin rok!

Psalms 78:26

Miki gagiyegnag e nifeng nge thow ko ngek, ma gelngin e k’aring e nifeng ko yimuch;

Jeremiah 10:13

Ra pag SOMOL lungun me chub lingan e ran u lanelang; me girengiy e manileng u tungun e fayleng. Me mat ra’en e uluch u fithik’ e n’uw me pi’ e nifeng nge yan ko gin ma chubgiliy riy.

Jeremiah 14:22

Dariy reb fapi liyos ko pi nam nrayag ni nge gagiyegnag nge aw e n’uw; lanelang ni go’ ir rok, e dabyag ni nge gagiyegnag nge aw e n’uw. SOMOL, ni Got romad, ku gu pired ni gur e ke l’agan’mad ngom, ya gur e ga be rin’ e pin’ey.

Jeremiah 51:16

Ir e non me chub lingan e ran u daken lanelang; me girengiy e manilang u tungun e fayleng. I gagiyegnag e uluch nge mat u fithik’ e n’uw me l’oeg e nifeng u tagil’ e cha’ar rok.

Jonah 1:4

Machane me pi’ SOMOL bangi nifeng nib gel nge yan nga regur; me cham e lang ngorad nib gel nge yan i par ni be chugur ni nge pil fare barkow.

Zekariah 10:1

Nning e n’uw ngak SOMOL u nap’an ni be sum yuwan e gek’iy ko yu duw. I SOMOL e ma pi’ e manileng ni baye n’uw riy nge aw, ni nge galunglung nag e yung i flang ni fan ngak gubin e girdi’.

John 3:8

Ya nifeng e ma thow ko gin ni be finey ni nge thow riy; ga be rung’ag lingan, machane da mu nang e gin ni yib riy ara gin ni be yan ngay. Ireram rogon e pi’in kan gargelegrad ko fare Kan ni Thothup.”