Psalms 122:1 - Bible Ni Thothup

¹ Gu felfelan’ nnap’an ni lungurad ngog, “Ngdarod ko naun rok SOMOL!”

Psalms 122:1 Iomraidhean Croise

Psalms 119:111

Pi motochiyel rom e fanag ndariy n’umngin nap’an, nma pi’ e felfelan’ ngalan gumircha’eg.

Psalms 120:1

Nap’an ni u gu moy u fithik’ e oloboch, mu gu pining SOMOL, me fuluweg lungug.

Psalms 121:1

Kugu sap ngalang ko fapi burey; uw e nge yib e ayuw riy ngog?

Psalms 123:1

SOMOL, gu be changar ngom ngalang, nga tharmiy ko gin ga be gagiyeg riy.

Psalms 124:1

Fa’an mang e da i moy SOMOL u ba’ rodad ma gadad ra di’in? Israel, mu pi’ e fulweg riy!

Psalms 125:1

Pi’in ma pagan’rad ngak SOMOL e yad bod fare burey ni Zion, ndariy liyben me rur, ma dabi mithmith bi’id.

Psalms 126:1

Nap’an ni fulwegdad SOMOL nga Jerusalem, ma gowa ba lik’ay!

Psalms 127:1

Fa’anra gathi SOMOL e be toy ba naun, ma maruwel ko pi’in be toy e mm’ay fan; fa’anra dabi yoror SOMOL u bbinaw, ma mm’ay fan e pi’in yad be matanagiy.

Psalms 128:1

Ba felan’ e pi’in yad ma fol rok SOMOL, ni yad ma par nrogon nike yog.

Psalms 129:1

Israel, mog ngomad rogon nike gafgow nigem e pi to’ogor rom ni ka nap’an e kagab bitir.

Psalms 130:1

U fithik’ e mathliyab rog mu gu piningem, SOMOL.

Psalms 131:1

SOMOL, kug pag e tolangan’ rog ma ku gu pag e ufanthin. Dak gur leamnag e tin ban’en ni kaygi ga’ ara kaygi mo’maw’ ngog.

Psalms 132:1

SOMOL, dab mpag talin David nge urngin e maruwel ni ngongliy.

Psalms 133:1

Rib fel’ ma ba manigil, ni ngi i par e girdi’ rok Got u ta’bang nib ta’reb lungrad!

Psalms 134:1

Mired, ngan pining e sorok ngak SOMOL, gimed gubin e tapigpig rok, gubin e pi’in yad ma pigpig u Tempel rok nnep’.

Psalms 26:8

A SOMOL, ba t’uf rog fare naun ni ga ma par riy, ni fa gin tagalim’ nib maluplup’.

Psalms 42:4

Fa’an gu ra leamnag e kakrom mi i kireban’ug; ya ngiyal’nem e un e girdi’ ni yo’or ngog ngu’ug warod ko fare naun rok Got, gu ma m’on ngu’ur leked gag, ni gamad ba ulung i girdi’ ni gamad ba felfelan’, ni gamad be tang ma gamad be pining e sorok ngak Got ni ba ga’ lammad.

Psalms 55:14

Ud welyew salpadow ngodow mu ud liyorgow u ta’bang u lan e Tempel.

Psalms 84:10

Ta’reb e rran ni yira par u Tempel rom ma kabfel’ nga bbiyu’ e rran nni par u bang; kug ba’adag ni nggu sak’iy u langan e garog ko naun rok e Got rog ko bin ni nggu par u tafen e girdi’ ni kireb.

Isaiah 2:3

ma girdi’ ko pi nam nem e bayi lungurad, “Ngdarod ko fare burey rok SOMOL, ko Tempel rok fare Got nu Israel. Ya ngad filed e n’en ni ba’adag ni ngad rin’ed; mu u darod ko yu pa’ i kanawo’ nike turguy. Ya thin rok SOMOL e yib u Jerusalem; u Zion e non riy ko girdi’ rok.”

Jeremiah 31:6

Er rogon, bay ba ngiyal’ ni bayi taw ngay me pong e damit u daken e flang u Efraim ni be lungurad, ‘Mired! Ngdarod nga talang nga Zion, ngak SOMOL ni ir e Got rodad.’”

Ezekiel 46:10

Fare pagel ni fak e pilung e nge yib nga langan e garog ko ngiyal’ ni be yib e girdi’, me chuw ko ngiyal ni yad be sul.

Mikah 4:2

ma bayi lungurad, “Ngdarod nga daken fare burey rok SOMOL, ko Tempel rok fare Got nu Israel. Ir e bayi fil ngodad e tin ba’adag ni ngad rin’ed; mu udarod u daken e yu pa’ i kanawo’ nike duwgiliy. Ya machib rok SOMOL e be yib u Jerusalem; ke par u Zion be non ngak e tirok e girdi’.”