Psalms 12:6 - Bible Ni Thothup

⁶ Tin ma micheg SOMOL e rayag ni nge pagan’uy ngay; bod feni fel’ e silber, ni kan urfiy ke be’ech u mit e nifiy ni medlip yay.

Psalms 12:6 Iomraidhean Croise

2 Samuel 22:31

Re Got ney e rib yal’uw e ngongol rok, thin rok e rayag ni ngan toer ngay ya der ma thil! Ir e bod bang i shield nma pilig e salthaw e pi talin e cham ngay, be par ni aray rogon u puluwon urngin e pi’in yad ma mil ngak ni nge yoror rorad.

BABYOR NI JOB 20:19

ni bochan e i gafgownag e pi’in gafgow ma i fek owchen u dakenrad. ma i leag e pi naun ni gathi ir e toy.

BABYOR NI JOB 28:1

Bay boch e yiy ni yima ker e silber riy; ma bay yu yang ni yima renrennag e gol riy ngan chuweg e chabung u fithik’.

Psalms 119:140

Ri dabi thil e n’en ni kam micheg! Rib t’uf rog!

Psalms 18:30

Re Got ney — e rib th’abi fel’ e ngongol rok! Thin rok e rib pagan’uy ngay! Ir e bod bangi shield ngak gubin e pi’in nma gay e ayuw rok ni nge yororiyrad.

Psalms 19:8

Tin keyog SOMOL ni ngan rin’ e mmat’aw: pi’in ni be fol riy e ke felan’rad. Tin keyog SOMOL ni ngan rin’ e ba yal’uw, mma ayuwegey nge tamilangan’uy.

Psalms 66:10

Got, gur e kam sikeng nagmad; ni bod e silber ni kan be’echnag ko nifiy, aram rogon ni kam sikeng nagmad.

Psalms 76:10

Damumuw ko girdi’ e kemus ni be gelnag feni sorom; ma pi’in de yim’ ko mael e bay ur madnom niged gur.

Psalms 9:13

SOMOL, mu runguyeg! Mu guy e gafgow ni be k’aring e pi to’ogor rog ngog! SOMOL, mu lagneg u pa’ e yam’,

Exodus 3:7

Ma aram me ga’ar SOMOL, “Kug guy rogon ni yibe gafgownag e girdi’ rog u Egypt; kug rung’ag lamrad ni yad be wenig ni nga ni ayuwegrad u pa’ e pi’in yad be sib nagrad. Go’ gu manang murung’agen e gafgow ni yad be tay.

Exodus 3:8

Ku gub nga but’ ni nggu chuwegrad u tan pa’ piyu Egypt, mu gu fekrad nga wuru’ yu Egypt nga ba nam nib manigil, ni ba madnom ma ba yong’ol e but’ riy ni girdi’ ni yad ma par riy e chiney e piyu Kanaan, nge Hitt, nge Amor, nge Periz, nge Hiv, nge Jebus.

Exodus 6:1

Me ga’ar SOMOL ngak Moses, “Chiney e bay mu guy e n’en ni bay gu rin’ ngak Farao. Bay gu gel nigeg ngak nge pagrad ngranod. Ara’ rogon, bay gu gel nigeg ngak nge mang ir e yog ngorad ni ngar chuwgad u daken e nam rok.”

Proverbs 22:23

I SOMOL e bayi pithig e pa’ i oloboch ni bay u puluwrad me gafgownag e yafos ko en ni be gafgownag e yafos rorad.

Proverbs 30:5

“I Got e der ma thilyeg e tin ke micheg. Ir e bod rogon bangi shield ngak urngin e pi’in yad ma gaweg e ayuw rok.

Isaiah 14:22

Me ga’ar SOMOL ni Gubin ma Rayag Rok, “Bay gu cham nga Babylon nggu kirebnag. Bay gu pag ni dakriy ban’en riy — dab gu pag reb e bitir, ara be’ nib fos. I Gag SOMOL e gu be non.

Isaiah 33:10

Be ga’ar SOMOL ngak e pi nam, “Chiney e nggu mithmith. Nggu dag fanag gel.