Psalms 119:2 - Bible Ni Thothup

² Nge falan’ e pi’in yad ma folwok ko tin keyog, ni pi’in yad ma fol rok u polo’ i lanin’rad.

Psalms 119:2 Iomraidhean Croise

1 Kings 2:3

mu um rin’ e tin bayi yog SOMOL ni Got rom ngom ni ngam rin’. Um fol u urngin e pi motochiyel rok nge tin keyog ni ngu’un rin’, ni bod ni ka ni yoloy u lan e Motochiyel rok Moses, ya ngi i mon’og urngin ban’en ni bay um rin’ ko yungi n’en ni ga be yan riy.

1 Kronicles 22:19

Ere chiney e ngam pigpig ngak SOMOL ni Got rom u polo’ i gumircha’em nggu polo’ i lanin’um. Mu tabab i toy fare Tempel ya nge yag ni mu tay fare Kahol ko M’ag rok SOMOL nga langgin nge gubin fa pin’en nib thothup ni tatalin e liyor ngak.”

2 Kronicles 31:21

I fel’ rogon gubin ban’en u pulwon ni bochan gubin e tin i rin’ ni fan ko fare Tempel nge rogon ni i tiyan’ ko motochiyel, i rin’ ni bay laniyan’ riy, ma rib yul’yul’ ngay ma kari pi’ ir ni polo’ ngak e Got rok.

Psalms 105:45

ni fan e nge fol e girdi’ rok ko pi motochiyel rok, mu’ur rin’ed gubin e tin ke ta’chiylen. Mu pining e sorok ngak SOMOL!

Psalms 119:10

Gu be gay rogon ni nggu pigpig ngom u polo’ i lanin’ug; mu aywegeg nge dab gu pi’ keru’ug ko tin kamog ni ngan rin’.

Psalms 119:101

Kug gilaf ko urngin e ngongol nib kireb, ya gu ba’adag ni nggu fol ko thin rom.

Psalms 119:115

Gimed e girdi’ ni tadenen, mu pired u palog rog. Ya bay ug fol ko tin ke tay e Got rog chiylen.

Psalms 119:146

Gu be piningem; mu ayuwegneg, ma bay gu ayweg e pi motochiyel rom.

Psalms 119:17

Mu gol ngog i gag e tapigpig rom, ya nge yag ni ug par mu gu be fol ko machib rom.

Psalms 119:22

Mu pithigeg ko thin ni kireb nge moning rorad, ni bochan e gu ma tay e pi motochiyel rom u gil’.

Psalms 119:33

SOMOL, mu fil ngog fan e pi motochiyel rom, mu gu fol riy ni gubin ngiyal’.

Psalms 119:34

Mu tamilang nigeg ko motochiyel rom, mu gu fol riy; ma bay gu cha’riy u polo’ i gumircha’eg.

Psalms 119:57

A SOMOL, urngin e tin bt’uf rog e gur; ku gu micheg ni nggu fol ko motochiyel rom.

Psalms 119:69

Pi’in tolngan’ e yad be ban u murung’ageg machane gu be fol ko fanow rom u polo’ i lanin’ug.

Psalms 119:88

Mu gol ngog ni bochan e t’ufeg rom ni dabimus, ya nge yag ni gu fol ko motochiyel rom.

Psalms 25:10

Ma pow’iyrad i yan ni yad ba t’uf rok ma ba yul’yul’ ngorad, ni urngin e pi’in yad ma falwok ko motochiyel rok ma yad ma fol ko tin ni yog.

Proverbs 23:26

Fakag, mu uthum e lim ngog, ma ga folwok rog.

Jeremiah 29:13

Gimed ra gayeg ma gimed ra pir’egeg ni bochan e gimed be gayeg u plo’ i gumicha’med.

Ezekiel 36:27

Bay gu pi’ e kan nthothup rog ngomed mu gu gagiyeg nagmed ngu’um folgad ko pi motochiyel rog ma gimed be rin’ urngin e tin kugog ngomed ni ngu’um rin’ed.

John 14:23

Me fulweg Jesus ngak ni ga’ar, “En ni gub t’uf rok e ra fol ko thin rog. Ra t’uf rok e Chitamag, ma Chitamag nge gag e gamow ra yib ngak nggu pirew rok.

Deuteronomy 4:29

U rom e bay um changar niged SOMOL ni Got romed riy; fa’an gimed ra gaweg u polo’ i gum’ircha’med ngu polo’ i lanin’med ma gimed ra pir’eg.

Deuteronomy 6:17

Ngar mu guyed rogon ngu’um folgad u urngin fapi motochiyel nike pi’ ngomed.

Deuteronomy 6:5

Ngari t’uf SOMOL ni Got rom u polo’ i leam rom, ngu polo’ i lanin’um, ngu polo’ i gelngim.

1 John 3:20

Ya fa’anra yog lanin’dad ngodad ni gadad ba kireb, ma kadnanged ni Got e ka ba ga’ nga lanin’dad, ni gubin ban’en ma manang.