Psalms 119:139 - Bible Ni Thothup

¹³⁹ Damumuw rog e be yik’ u fithik’ag ni bod ba nifiy, ni bochan e pi to’ogor rog e darir leam niged e tin kamog ni ngan rin’.

Psalms 119:139 Iomraidhean Croise

1 Kings 19:10

Me fulweg ni ga’ar, “SOMOL ni Got ni Gubin ma Rayag Rom, ka faram i yib ke mada’ ko chiney ni kemus ni gur e gu be pigpig ngom, machane girdi’ nu Israel e kar th’abed e m’ag u thilmed, ma kar buthuged e pi altar rom, ma kar thanged e pogofan rok urngin e pi profet rom. Kemus ni gag e kug magey, ma yad be guy rogon ni ngar thanged e pogofan rog.”

1 Kings 19:14

Me fulweg ni ga’ar, “SOMOL ni Got, ni Gubin ma Rayag Rom, ka faram i yib ke mada’ ko chiney ni kemus ni gur e gu be pigpig ngom, machane girdi’ nu Israel e kar th’abed e m’ag u thilmed, ma kar buthuged e pi altar rom, ma kar thanged e pogofan ko urngin e pi profet rom. Kemus ni gag e kug magey, ma yad be guy rogon ni ngar thanged e pogofan rog.”

Psalms 53:4

Me fith Got ni ga’ar, “Gur, dar nanged? Gur pi chan’ey ni yad be ngongliy e kireb e de tamilngan’rad? Kar pired ni yad be mororo’ ko tirog e girdi’ u fithik’ e yargal, ma dariy bangiyal’ ni yad ma meybil ngog.”

Psalms 69:10

Ra gu pag e abich ni bochan e nge sobut’anug u p’eowchem, me yog e girdi’ e thin nib tagan ngog;

Psalms 69:9

Rogon feni pasigan’ug ni nggu tiyan’ug ko Tempel rom e be gak’ u lan ngorongoreg ni bod ba nifiy; thin ni kireb ni yibe yog ngom e be kun ngog.

Matthew 21:13

me ga’ar ngorad, “Bay ni kan yoloy u lan e babyor nib thothup nike ga’ar Got, Naun rog e bay nog nib naun ntafen e meybil. Machane gimed be tay ni bangi n’en nma mith e moro’ro’ riy!”

Matthew 21:16

Ma aram me lungurad ngak Jesus, “Ga be rung’ag e n’en ni yad be yog fa danga’?” Me fulweg Jesus ni ga’ar, “Gu be rung’ag. Dawor mpoyed fa gin’em u lan e babyor nib thothup? Ya be ga’ar, ‘Kam fil ngak e bitir nge bitir ni kabran ni ngar pininged e sorok ni bfel’ rogon.’ ”

Matthew 21:42

Me ga’ar Jesus ngorad, “Dawor mpoyed e n’en nike yog e babyor nib thothup? Ya ke ga’ar, ‘Fare malang ni dabun e pi’in yad ma toy e naun ya ra fineyed ndariyfan e yan i aw ni aram e re malang ni ir e ba th’abi ga’ fan. Ren’ey e Somol e yodoromnag, rib manigil e n’en ke rin’ Somol!’

Matthew 22:29

Me fulweg Jesus ngorad ni ga’ar, “Ri gimed be oloboch! Bochan e da mu nanged e thin ni bay u lan e babyor nib thothup ara gelngin Got.

Matthew 9:13

Marod ngam guyed fan e re bugithin ni ba’aray u lan e babyor nib thothup ni ga’ar, ‘Dabug ni ngan pi’ e gamanman ni maligach ngog, ya t’ufeg e gub adag. Ya gathi ku gub ni nggu pining e pi’in yad ba yal’uw, ya ku gub ni nggu pining e pi’in ba thiyar ndabun e girdi’ nu lan binaw dakenrad.”

John 2:17

Me yib ngan’ pi gachalpen ni bay ko babyor nib thothup nike ga’ar, “Rogon ni gu be tiyan’ug ko naun rom, i gur Got, e be yik’ u fithik’ag ni bod ba nifiy.”

Acts 13:27

Ya girdi’ ni be par u Jerusalem, nge pi’in yad be yog e thin rorad, e da ur nanged ni ir fa’anem ni nge thapeg e girdi’ ngak Got, ma ku da ur nanged fan e thin rok e pi profet ni yima be’eg ngorad ni gubin e Sabbath. Machane kar riyul’niged e thin ni yog e pi profet ni bochan e ra turguyed ni ngan li’ Jesus ngem’.