Psalms 118:15 - Bible Ni Thothup

¹⁵ Mu telmed nga lunguy ni yibe garusnag ni kan gel u lan e pi tent ko tirok Got e girdi’ ni be lungurad, “Gelngin SOMOL nib gel e ke yodoroynag!

Psalms 118:15 Iomraidhean Croise

Psalms 111:2

Rib th’ab feni fel’ e tin ma rin’ SOMOL! Gubin e pi’in kar felfelan’gad ngay e yad ba’ adag ni ngar nanged fan.

Psalms 119:111

Pi motochiyel rom e fanag ndariy n’umngin nap’an, nma pi’ e felfelan’ ngalan gumircha’eg.

Psalms 119:54

Nap’an e par rog u roy u fayleng nib ngoch nap’an e gu be tunguy e pi tang ni murung’agen e tin kamog ni ngan rin’.

Psalms 32:11

Gimed e pi’in gimed mmat’aw, e nge felan’med mi gimed uf ni bochan e n’en ke rin’ SOMOL! Gimed e pi’in gimed be fol rok, e ngam tolul niged e felfelan’!

Psalms 44:3

Pi girdi’ rom e dar gelgad ko fare nam ni bochan e saydon rorad; ma ku gathi gelngirad e ra gelgad riy; ya ra gelgad u daken gelngim nge fenam gel, ya ga bay rorad, ni aram e be dag ni yad ba t’uf rom.

Psalms 45:4

Mman u fanam falu’ ngam gel ni fan ko tin riyul’ nge tin bmat’aw gelngim e ra i gel nigem ko pi mael!

Psalms 5:12

SOMOL, ga ma fal’eg wa’athan e pi’in yad ma fol rom; t’ufeg rom e ma yaroriyrad ni bod e shield.

Psalms 60:12

Ra bay Got u ba’ rodad ma gadad ra gel; ir e bayi gel ngak e pi to’ogor rodad.

Psalms 68:3

Machane pi’in bmat’aw e ba felan’rad ni yad be felfelan’ u p’eowchen Got; yad be tolulnag e felfelan’.

Psalms 89:13

Ri gab gel! Ri ba ga’ gelngim!

Psalms 98:1

Nga nin’ ba tang nib be’ech ngak SOMOL; ya tin ke rin’ e rib th’abi fel’! Ba’ ni mat’aw i pa nge pa’ nib thothup e ke gelnag.

Exodus 15:6

“SOMOL, ba’ ni mat’aw i pa’am e rib th’ab feni gel; ke tet’ar e pi to’ogor kar yochyanggad.

Isaiah 65:13

Ma ere nggog ngomed ni pi’in ma meybil ngog mma fol rog e ra yo’or garad nge n’en ni ngu’ur garbodgad ngay, machane gimed e bay um m’ad ko bilig nge balel. Bay ur felfelan’gad, machane gimed e bayi m’ay famed.

Luke 1:51

Ya pa’ nib gel e ke k’iyag ke wereg e girdi’ ni yad be ufanthin u lanin’rad ko tin ni kem’ay i leamnag rorad ni ngar ngongliyed.

Acts 16:34

Me ere fek Paul nge Silas ngalan e naun rok nge pi’ e ggan ngorow. Me ri felfelan’ girdi’en e tabinaw rok nge ir, ni fan e ke mich Got u wun’rad.

Deuteronomy 12:12

Ma aram mu um felfelan’gad u p’eowchen SOMOL, ni gimed nge pifakmed, nge pi tapigpig romed, nge pi Levite ni yad be par u lan e pi binaw romed. Dab mpaged talin ni pi Levite e gathi bay ni pi’ e binaw ngorad ngar tafned.

Revelation 18:20

Tharmiy, mu felfelan’, ya kan kirebnag! Mu felfelan’gad e girdi’ rok Got, nge gimed e pi apostel nge pi profet! Ya ke pi’ Got e gechig rok ni bochan e n’en ni rin’ ngomed!