Psalms 113:4 - Bible Ni Thothup

⁴ I SOMOL e be gagiyegnag urngin e pi nam; feni gilbugwan e ke pag e pi tharmiy ngalang.

Psalms 113:4 Iomraidhean Croise

1 Kings 8:27

“Machane gur, rayag ni nge par Got u fayleng? Tharmiy ni ga’ngin e dab mu taw nga langgin, ere dabiyag ni ngam taw ngalan e re Tempel ney ni kug toy.

Psalms 148:13

Yad urngin ni ngar pininged e sorok nga fithingan SOMOL. Fithingan e ir e th’abi ga’ u fithik’ urngin e ngachal; ma feni sorok e ba tolang ko fayleng nge tharmiy!

Psalms 8:1

A SOMOL, ni gur e SOMOL romad, rogon feni gilbugwam e ka ni guy u gubin yang u fayleng! Rogon feni sorom e ke yan ke pag e yu thal i tharmiy ngalang;

Psalms 97:9

SOMOL ni Gubin ma Rayag Rok, gur e tagagiyeg ko fayleng ni polo’; ga ba ga’ ngak gubin e got.

Psalms 99:2

I SOMOL e rib gel gelngin u lan yu Zion; ir e ba tolang u fithik’ urngin e pi nam.

Isaiah 40:15

U p’eowchen SOMOL e pi nam e yad bod ba wa’angachal u lan ba pakit, ara bod ba tabyu’ u daken e thabthabel, ma pi donguch nib orel e bod feni ba’ud ba ab.

Isaiah 40:17

Pi nam e dabi aw angirad ngak.

Isaiah 40:22

Ke sunumiy e en ni bay nike par nga tagil’ u puluwon e fayleng ngalang ko gin nth’abi tolang; ma girdi’ ni yad bay u but’ e be guyrad ni yad bod ga’ngin nochi apurgog! Ir e filath lanelang ni bod bangi mad, ni bod ba tent ni ngan par ngay.

Isaiah 66:1

Be ga’ar SOMOL, “Tharmiy e tagil’ig, ma fayleng e gu ma gifeg e rifrif u eg ngay. Ere be mang e mit i naun e ngam toyed ni nggu par ngay?