Psalms 112:5 - Bible Ni Thothup

⁵ Ba felfelan’ e en nib gol ko tin ma pi’ ni ku yira fulweg ngak, en nib yul’yul’ u rogon nma siyobay.

Psalms 112:5 Iomraidhean Croise

Nehemiah 4:13

Ere yuyang ko fare yoror ni ka ba sobut’ nga but, ni kabay yuyang riy nib chabal, e gu tay e girdi’ ngay ni reb e tabnaw nge reb, ni bay e saydon rorad, nge sarey nge gat’ing.

Psalms 37:21

En nib kireb e ma ning ni ku ra fulweg, machane der ma fulweg, ma en ni bfel’ e ba gol ma de si’in.

Proverbs 12:2

I SOMOL e bfel’ u wan’ e girdi’ nib manigil, machane ma gechignag e pi’in yad ma t’arliben e kireb.

Proverbs 17:18

Go’ en de gonop e ra micheg ni nge milfan e malfith rok be’ ngak.

Proverbs 18:9

En nib gamead e ta’reb feni kireb ko en nib mogothgoth.

Proverbs 2:20

Are ngam folwok ko girdi’ nib manigil ma ga par nib mat’aw e par rom.

Proverbs 24:27

Dab mu toy e naun rom ngam sunmiy reb e tabnaw nge mada’ ko ngiyal’ ni ka mu fal’eg rogon yung i flang rom, nike pagan’um nrayag ni ngam par rom.

Luke 23:50

Ma bay be’ nib mo’on ni Josef fithingan, ni be’ ko binaw nu Arimathea ni bay u lan yu Judea, ni ir be’ ni bfel’ ma yima tayfan, ma be sonnag e ngiyal’ ni bayi taw e gagiyeg rok Got. Yugu aram rogon ni ir reb i girdi’en fare ulung ko pilung, machane de fel’ u wan’ e n’en ni kar turguyed nge n’en ni kar ngongliyed.

Luke 6:35

Aram e danga’! Nge t’uf romed e pi to’ogor romed mi gimed rin’ e tin ni bfel’ ngorad; ra ning be’ ban’en ngomed ni nge maruwel ngay mi gimed pi’ ma dab mu leam niged ban’en ni nge pi’ riy ngomed. Ya bay labgen ni ba ga’ nra fulweg Got ngomed, ma gimed pifak Got nib Th’abi Tolang. Ya Got e ba gol ngak e pi’in ndarir pininged e magaer ngak nge pi’in nib kireb.

John 6:12

Ma nap’an ni kar fosgad ni yad gubin, me ga’ar ngak pi gachalpen, “Mu kunuyed e yu yang nike aw ko ggan; nge siy da adbeyed bochu’uw.”

Acts 11:24

Ma cha’nem i Barnabas e be’ ni bfel’ nib sug ko fare Kan Nthothup ma ba pagan’ ngak Jesus. Ma bo’or e girdi’ nra manged girdi’en Somol.

Roma 12:11

Mmaruwelgad nib gel, ma dab um malmalgad. Mpigpiggad ngak Somol ni gimed ba pasig ngay u lanin’med.

Roma 5:7

Rib mo’maw’ ni nge pi’ be’ e pogofan rok nge yim’ ni fan ngak be’ nib mat’aw. Sana rayag ni nge pi’ be’ e pogofan rok nge yim’ ni fan ngak be’ ni bfel’.

Efesus 5:15

Ere um ayuwgad u rogon e ngongol romed. Dab um ngongolgad ni bod e girdi’ ndawori tamilangan’rad, machane ngu’um ngongolgad ni bod rogon e girdi’ nib gonop.

Filippi 1:9

Ere ba’aray e meybil rog ngak Got ni fan ngomed: gu be yibil ngak Got ni ngi i gel feni t’uf Got nge girdi’ romed i yan, mi gimed nang e bin riyul’ i fan e thin rok Got nge yag ni ngam nanged e tin nib mat’aw ko tin nde mat’aw,

Kolose 4:5

Um gonopiyed rogon pangimed ngak e pi’in ndawori mich Jesus Kristus u wun’rad, ma gubin ngiyal’ nra bung rogomed ni ngam weliyed e thin rok Got ngorad mi gimed weliy.