Psalms 110:1 - Bible Ni Thothup

¹ I Somol e ga’ar ngak e somol rog, “Mu par aray nga ba’ ni mat’aw rog nge yan i mada’ ko ngiyal’ ni bay gu tay e pi to’ogor rom nga tan e rifrif u em.”

Psalms 110:1 Iomraidhean Croise

1 Kronicles 28:2

Me sak’iy David nga p’eowcherad me ga’ar ngorad: “Gimed e pumo’on ko nam rog, motoyilgad ngog. Kug leamnag ni nggu toy tafen fare Kahol ko M’ag, ni nge tagl’iy rifrifen ay SOMOL ni Got rodad. Ku gu t’ar madlin ba tempel ni ngan toy ni ngu’un liyor ngak riy,

Psalms 109:20

SOMOL, mu gechignag e pi to’ogor rog ni aram rogon — pi’in yad ma yogneg nga dalib!

Psalms 8:1

A SOMOL, ni gur e SOMOL romad, rogon feni gilbugwam e ka ni guy u gubin yang u fayleng! Rogon feni sorom e ke yan ke pag e yu thal i tharmiy ngalang;

Psalms 8:6

Kam tayrad ni ngar gagiyeg niged urngin ban’en ni kam sunumeg, kam tayrad ni yad ba tolang ngak urngin ban’en:

Zekariah 6:13

I ir e cha’ ni bayi toy bayay fare Tempel me yag thawon e pilung ngak, ma bay i gagiyegnag e girdi’ rok. Ma bayi sak’iy ba prist nga charen facha’ ni be gagiyeg, mar maruwelgow u ta’bang u fithik’ e gapas nge ta’reban’.’

Matthew 26:64

Me fulweg Jesus ngak ni ga’ar, “Bod rogon ni kamog. Machane nggog ngomed ni gimed gubin ni nge lungug: chiney i yan ngam’on e bay mu guyed e en ni Fak e Girdi’ nike par nga but’ u ba’ ni mat’aw rok fa’anem ni Gubin ma Rayag Rok, ni be yib u lang nga but’ ni bay u daken e manileng!”

Mark 16:19

Ma aram e fa’ani mu’ Somol Jesus ko numon ngak pi gachalpen min fek ngalang nga tharmiy, nge yan i par nga but’ nga ba’ ni mat’aw rok Got.

Luke 22:41

Ma aram me yan rorad nga orel ni bod pal’afngin ba malang nnin’, me yan i ragbug nga but’ nge meybil.

1 Korinth 15:25

Ya Kristus e thangri mang ir e i gagiyeg nge yan i mada’ ko ngiyal’ nike gel Got ngak urngin e pi to’ogor me ta’rad nga tan e rifrif u ay.

Kolose 3:1

Kan unegmed ngak Kristus kan fasegmed ko yam’. Ere mu suguyed lanin’med ko pin’en ni bay u tharmiy, ko gin nike par Kristus riy nga tagil’ u ba’ ni mat’aw rok Got.

Hebrews 1:13

Mi Got e ri dawori yog ngak reb e pi engel rok ni ga’ar: “Mpar iray nga ba’ ni mat’aw rog, nge yan i mada’ ko ngiyal’ ni bay gu tay e pi to’ogor rom nga tan e rifrif u em ni nge mang tagil’ e magif ko rifrif u em.”

Hebrews 1:3

Ir e be galgal ram’en Got rok nrib galgal; i ir e ri ta’reb rogorow Got, me ir e be dunubiy e gin’en ni bay urngin ban’en u lanelang riy nib mu’un e fayleng ngay, ni be dunubiy ko thin rok nib gel gelngin. Tomuren nike be’echnag e girdi’ ko denen rorad me yan i par nga but’ u tharmiy u ba’ ni mat’aw rok Got, ni ir e Th’abi Tolang.

Hebrews 12:2

Ma gad par ni kad l’eged owchedad ngak Jesus, yi ir e be toer e michan’ rodad ngak ko tabolngin nge yan i mada’ ko tungun. Ya de pag ir ni bochan fare kuruth! Machane bochan e felfelan’ ni be sonnag ma daki tafinaynag e tamra’ nra tay ko yam’ ni nge tay u daken e kuruth, me ere chiney e ke par nga but’ u ba’ ni mat’aw rok Got u tagil’ Got.

Hebrews 8:1

N’en ni gadad be weliy murung’agen e ba’aray: bay fare Prist ni Th’abi Ga’ rodad nike par nga but’ u ba’ ni mat’aw u tagil’ Got ni Pilung ni Th’abi Tolang u tharmiy.

1 Peter 3:22

ni ir e ke yan nga tharmiy ke yan i par nga ba’ ni mat’aw rok Got, ni ir e be gagiyegnag urngin e engel nge pi’in yad bay u tharmiy ni yad be tay murung’agen ban’en nge pi’in yad be yog e thin.