Psalms 106:2 - Bible Ni Thothup

² Mini’ e rayag rok ni nge weliy gubin e pi maang’ang nike rin’. Mini’ e ra gaman e sorok ni nge pining ngak?

Psalms 106:2 Iomraidhean Croise

Nehemiah 9:5

I Jeshua, nge Kadmiel, nge Bani, nge Hashabneyah, nge Sherebiah, nge Hodiah, nge Shebaniah, nge Pethahiah ni yad bogi Levite e rogned ni nga ni pining e sorok ngak Got ni nge lunguy: “Mu sak’iygad ngam pininged e sorok ngak SOMOL ni Got romed; ngu’um pininged e sorok ngak ni dariy n’umngin nap’an. Nge gubin e girdi’ ma nge pining e sorok nga feni gilbugwan fithingam, ni yugu ara’ rogon ni sorok ni bay i pining e girdi’ ngom e dabi gaman.”

BABYOR NI JOB 26:14

Machane pin’ey e kemus ni be yip’ fan gelngin, kemus ni kathkath e kad rung’aged. Mini’ e rayag rok ni nge nang rogon feni gel gelngin Got?

BABYOR NI JOB 5:9

Dabiyag ni ngad nanged fan e pi gagiyeg rok, nge pi maang’ang ni yug be ngongliy ni der tal.

Psalms 40:5

SOMOL ni Got rog, pire’ ban’en ni yira ngat ngay ni kam ngongliy ni fan ngomad; dariy be’ ni bod gur! Bo’or ban’en ni bfel’ nike m’ay i leamnag rom ni fan ngomad. Dabyag ni gu ra weliy ni gubin, ya kayigi pire’.

Roma 11:33

Rib ga’ e fla’ab rok Got! Ma rib to’ar e gonop rok nge llowan’ rok! Mini’ e rayag ni nge weliy rogon nma turguy Got ban’en? Mini’ e manang rogon kanawo’en nma maruwel?

Efesus 1:19

nge feni gel gelngin ni be maruwel u fithik’ i lanin’dad e pi’in ke michan’dad ngak. Ren’en ni gelngin ney ni be maruwel u fithik’ i lanin’dad e ta’reb rogon ko fa binem i gelngin nib gel

Efesus 3:18

ni fan e gimed nge urngin e girdi’ rok Got e nge yib gelngin e tafinay romed nge yag ni mu nanged fan feni ga’ radan nge feni n’uw nge feni tolang nge feni to’ar rogon feni t’uf e girdi’ rok Kristus.