Psalms 102:25 - Bible Ni Thothup

²⁵ Kakrom ma ga sunmiy e fayleng, ma pi tharmiy e mu ngongliy nga pa’am.

Psalms 102:25 Iomraidhean Croise

Genesis 1:1

Aram ko tabolngin ni tabab Got i sunmiy e fayleng nge urngin ban’en ni bay u lanelang,

Genesis 2:1

Ma aram me yan i par nike m’ay i ngongliy e fayleng, nge lanelang, nge urngin ban’en ni bay u daken e but’ ngu lanelang.

Psalms 90:2

U m’on ndawor mu sunumeg e yochi burey, u m’on ndawor mu sunumeg e fayleng, ni gur ba Got ni urun, ma gur e Got ni dariy n’umngin nap’an.

Psalms 92:9

Gamad manang ni pi to’ogor rom e bay ra m’ad, ma gubin e pi’in kireb ni bay ra waergad.

Psalms 96:5

Urngin fapi got rok boch e nam e kemus ni bogi liyos, machane SOMOL e ir e sunumeg lanelang ni ga’ngin.

Exodus 20:11

I Gag SOMOL e gu ngongliy e tharmiy, nge but’, nge day, nge urngin ban’en ni ba’ riy u lan n’el e rran, me rofen ni gaman e medlip ngay mu gu toffan. Aram fan ni gag SOMOL e kug fal’eg wa’athan e re rran nem ma kug tay nib thothup.

Isaiah 38:10

Gu leamnag ni bay gum’ ko ngiyal’ ni kari taw nga fel’ngin e yafos rog nggu wan ko fare fayleng ko yam’, ni dab gu par nge mus n’umngin e yafos rog.

Jeremiah 32:17

“SOMOL, Ntha’bi Tolang, I gur e mu sunmiy e fayleng nge lanelang nga gelngim nib gel; ya dariy ban’en nib mom’aw ngom.