Psalms 102:1 - Bible Ni Thothup

¹ SOMOL, mu telim ko meybil rog, mu rung’ag lamag ni gu be yornag e ayuw!

Psalms 102:1 Iomraidhean Croise

2 Kronicles 30:27

Fapi prist nge pi Levite e ra ninged ngak SOMOL ni nge fal’eg wa’athan fapi girdi’. Me rung’ag Got e pi meybil rorad nga tafen nga tharmiy mab fel’ u wan’.

Psalms 12:5

Be ga’ar SOMOL, “Chiney e bay gub, ni bochan e pi’in ba t’uf e ayuw rorad e yibe gafgow nagrad ma pi’in yibe gafgow nagrad e yad be gel’gel’ u fithik’ e amith. Bay gu pi’ ngorad e re ayuw ni yad be yim’ ni bochan.”

Psalms 143:4

Ke chuwan’ug ko gubin; kari math e liyab ngog.

Psalms 143:7

SOMOL, mu non ngog e chiney! Ka ri mulan’ug. Dab mmithagem rog, ya rug un u fithik’ e pi’in nge yan nga’ar ko fayleng ko yam’.

Psalms 145:19

Pi’in bay madgun u wun’rad e ma pi’ ngorad e tin nge yag ngorad; ma rung’ag e tin yad ma wenignag ngak me ayuwegrad.

Psalms 18:6

U fithik’ e mo’maw’ rog mu gu pining SOMOL; gu pining e Got rog ni nge ayuw. I rung’ag lamag ngalan e tempel rok; i motoyil ko meyor rog ni man ayuw.

Psalms 39:12

SOMOL, mu rung’ag e meybil rog, ma ga telim ko meyor rog; moy ngam ayuwegneg u nap’an ni gu ra yor. Bod urngin e pi chitamangig kakrom kemus ni gu ba milekag ni ku gub ngom bochingiyal’.

Psalms 42:4

Fa’an gu ra leamnag e kakrom mi i kireban’ug; ya ngiyal’nem e un e girdi’ ni yo’or ngog ngu’ug warod ko fare naun rok Got, gu ma m’on ngu’ur leked gag, ni gamad ba ulung i girdi’ ni gamad ba felfelan’, ni gamad be tang ma gamad be pining e sorok ngak Got ni ba ga’ lammad.

Psalms 5:2

Motoyil ko man ayuw rog, I gur e Got rog ma pilung rog! SOMOL, gu be meybil ngom;

Psalms 61:2

Gu be piningem nike m’ath e liyab rog, ma gub palog u tabnaw. Mu fekeg ngabang ni dabi buch ban’en rog riy,

Psalms 62:8

Gimed pi girdi’eg, nge pagan’med ngak Got ni gubin ngiyal’. Mu weliyed ngak urngin e magfan’ romed, ya ir e manaf rodad.

Psalms 77:3

Nap’an ni gu ra leamnag Got, mug gel’gel’; nap’an ni gu ra pi’ lanin’ug, me mulan’ug.

Exodus 2:23

Me munmun me yim’ e pilung nu Egypt. Machane piyu Israel e kuyad be gowol ko gafgow ni yibe tay ngorad ko sib niyad be tay rok piyu Egypt, miyad yornag e ayuw ngalang. Me yan lamrad ngalang ngak Got,

Lamentations 3:44

Nga fon bang i manilang ko dumumuw ni kay gi dubu’ag ni dabiyag ni nge bugor e meybil romad nga barba’.

Lamentations 3:8

Gu yor nag e ayuw ngalang, me siyeg Got ni nge motoyil;

Luke 22:44

U fithik’ e re thamtham nem ni tay ni gowa kan chuchuy nga but’ e ri tay ir riy ko meybil; ma athuw u downgin e bod yu mey i racha’ ni be map’ nga but’.

Hebrews 5:7

Nap’an ni immoy Jesus u roy u fayleng me meybil ni wenig ngak Got ni ba ga’ laman u fithik’ e lu’, ya ir e rayag rok ni nge tay Jesus ni dabi yim’. Ma bochan e ba sobut’ laniyan’ ma rib m’agan’ ngay ni ngi i fol rok Got, ma aram fan ni fulweg Got taban e meybil rok.

Judges 10:16

Ma aram miyad n’ag fapi got nu boch e nam ni ur ted fan miyad liyor ngak SOMOL; me kirban’ ngak yu Israel ni kar awgad nga fithik’ e gafgow.

1 Samuel 9:16

“Gonap’an e re ngiyal’ i n’ey gabul e bay gu pi’ be’ ko ganong rok Benjamin nge yib ngom; mu gapgepnag nge par ni ir e nge gagiyegnag piyu Israel ni girdi’ rog, ya ir e nge lagrad u pa’ e pi Filistine. Ya kug guy e gafgow ni be tay e girdi’ rog, ma kug rung’ag e myor ni man ayuw rorad ngog.”