Psalms 101:5 - Bible Ni Thothup

⁵ Bay gu n’ag e en nma gungun’nag be’ nga dalib, Dabi k’adan’ug rok be’ nib tolngan’ ma ba ufanthin.

Psalms 101:5 Iomraidhean Croise

Psalms 138:6

Yug aram rogon nri gab tolang ngalang, ma ga ma runguy e pi’in yad ba sobut’, ma pi’in ba tolangan’rad e dabyag ni ngar mithgad rom.

Psalms 15:3

ma darir t’ared e thin nga daken e girdi’. Pichaney e darir rin’ed ban’en ni ba kireb ko pi fager rorad, ma darir thibthib niged e pi’in yad bbuguliyoror.

Psalms 18:27

Ga ma ayuweg e pi’in yad ba sobut’an’, machane ga ma sobut’nag e pi’in ba tolangan’rad.

Psalms 50:20

Yigub ba’ud romed ni ngam gathibthib niged pibe’ romed ma gimed be pug thibngirad ngalang.

Exodus 20:16

“Dab mu t’ar e thin nga daken be’.

Exodus 23:1

“Dab mu weliyed i yan murung’agen ban’en nde riyul’, ma dab mu folgad ngak be’ nib kireb e rok ngam micheged ban’en nde riyul.

Proverbs 10:18

Cha’ nma mithag e fananikan rok e ba fel’fel’ l’ugun. Ma en ni be fekthin ngi i yog i yan e bbalyang.

Proverbs 20:19

Dugdug thin e dabyag ni nge tay ban’en nib mith. Mu tem u orel rok e girdi’ nib mak’ welthin langan.

Proverbs 21:4

Girdi’ nib kireb e be gagiyeg nagrad e ufanthin nge tolngan’, ni irera’ e denen.

Proverbs 25:23

Nonnon e ma k’aring e damumuw nri bod e nifeng u yimuch nma fek e n’uw i yib.

Proverbs 30:13

Bay boch e girdi’ ni yad ma leamnag nriyad bmanigil — rib sororad u wan’rad!

Isaiah 2:11

Bay i taw nga reb e rran ni bayi tal e tolngan’ ko girdi’ me math mit e ufanthin. Ma aram e SOMOL e go’ ir e bayi gilbugwan.

Ezekiel 22:9

Boch e girdi’ romed e be gathibthibnag ma be t’ar e thin nga daken boch e girdi’ ya ngan thang e pogofan rorad. Ma bochi yad e be kay e pin’en ni kanpi’ ni maligach ko liyos. Ma boch i gimed e gubin ngiyal’ ni yad be gay e chum’er, ni nge gamen e tin yad be ar ar nag.

Daniel 4:37

“I gag Nebukadnezzar e chiney e gu be pining e sorok ngak e en ni Pilung nu Tharmiy, ma gu be tay fan, ma gu be yog ni ir e ba gilbuguwan. Urngin ban’en nma rin’ e bmat’aw. Gubin ngiyal’ nib yal’uw e ngongol rok, mrayag rok ni nge sobut’nag e en nma ngongol u fithik’ e tolngan’ nge ufanthin.”

Levitikus 19:16

Dab mu tunguyed e thin ni murung’agen be’ ngu’um weliyed, ma fa’anra yibe pithig e oloboch rok be’ nra yan e pogofan rok ngay ma ngam nonod ni fa’anra tin ngam micheged e rayag ni nge ayuweg fa’anem. I Gag e SOMOL.

Luke 18:14

Me ga’ar Jesus, “Nggog ngomed, nre tamukun tax nem ma gathi fare Farise e sul nga tafen nike mat’aw ngak Got. Ya en nra tolangnag ir e yira sobut’nag, ma en nra sobut’nag ir e yira tolangnag.”

1 Korinth 5:11

N’en ni ir e gu be yog e dab um cheggad ngak be’ ni be yog ni ir reb i walagey ni girdi’en Kristus machane be ngongliy e ngongol ko darngal, ara ba chogow, ara ma tayfan mma meybil ngak e liyos nma meybil boch e girdi’ ngay, ara ma t’ar e thin nga daken e girdi’, ara be’ nib tamu’un rrum, ara ma th’ab e motochiyel. Mus ni ngam par nga but’ ngam un ngak e mit i girdi’ nem ko abich ma dab mu rin’.

1 Timothy 3:11

Ma ppin rorad e ku errogon ndabisiy ni bfel’ pangirad, ndab ur uned ko dugdug thin; ma thingar ra pired ni yad ba gonop mrayag ni ngan pagan’uy ngorad u urngin ban’en.

Titus 2:3

Ma ku errogon ni ngamog ngak e pi’in kar puwelwolgad ni nge par pangirad ni bod yalen e pi’in ni ppin ni yad ma par nib mat’aw pangirad u mit Got. Ma thangri dab ur t’ared e thin nga daken e girdi’, ara ra pired ni kar manged sib ko wayin. Ma thingar ra filed e tin ni bfel’

1 Samuel 2:3

Mu taleged e thin ni gimed be yog ni ba ga’ lammed ni gimed e soromed; ngam th’abed gulungumed ndab ku mu weliyed e thin ko ufanthin. Ya SOMOL e ba Got ni manang urngin ban’en, me ir e ma thabthabelnag urngin e tin be rin’ e girdi’.