Psalms 10:7 - Bible Ni Thothup

⁷ Welthin rorad e ba sug ko yaba’, nge ban, nge thin ni yargal; ma ba papey ni yad ma yog e thin nra kirebnag lanyan’ be’, nge thin ni kireb.

Psalms 10:7 Iomraidhean Croise

BABYOR NI JOB 15:35

Irera’ e girdi’ nma leamnag e kireb ma yad ma rin’ e kireb. ma ba sug gum’ircha’rad ko sasaliyab ni gubin ngiyal’.

BABYOR NI JOB 20:12

Tin ba kireb e rib fel’ lamen u langan ra tay boch u lan lugun ni ngi i fal’eg lamen l’ugun.

Psalms 12:2

Yad gubin ni yad be ban nigedyad; yad be pi’rad ngalang ko thin.

Psalms 140:3

Bolowtherad e bod e porchoyog ni tak’ad; ma pi thin rorad e bod e yub rok e porchoyog ni kobra.

Psalms 140:9

Dab mu pag e pi to’ogor rog ngar gelgad; mu gagiyegnag e pi thin rorad ni kireb nib sor ngog nge sul ngorad.

Psalms 144:11

Mu ayuwegneg u pa’ e pi to’ogor nma’ngach; mu lageg u pa’ e girdi’ nu boch e nam, ndariy bingyal’ ni yad ma yog e tin riyul’, ma yad ma micheg bogi ban’en ni go’ ban.

Psalms 144:8

ndariy bingyal’ ni yad ma yog e tin rriyul’ ma yad ma micheg bogi ban’en ni go’ ban.

Psalms 36:3

Ba kireb e thin rok ma ba sug ko mululufith; dar gonpiy ni nge rin’ e n’en nib gonop ma ba manigil.

Psalms 41:6

Pi’in yad ma yib ni ngar guyed gag e bochan e nge chuw e thin riy; yad ma kunuy thibngig ngar weliyed i yan.

Psalms 5:9

N’en ni be yog e pi to’ogor rog e dabyag i pagan’uy ngay; kemus ni ban’en ni ngan gathay e yad ba’adag. Bfel’ nifngin e thin rorad ma ba sumnguy, machane basug ko yub.

Psalms 50:19

“Yigub puf langmed ko tin kireb; dariy e ngiyal’ ni gimed ma stuntun ko mululfith lugun’.

Psalms 52:4

Ga ba’adag ni ga ma kirebnag lanyan’ e girdi’ ko thin rom, gur e re mululufith langan nir!

Psalms 55:21

Thin rok e ba munguy ko che’, ma gumircha’en e ba sug ko fananikay; thin rok e bod feni sumnguy e gapgep, machane ma th’abey ni bod yungi saydon nib m’uth.

Psalms 58:3

Pi’in kireb e leam rorad e go’ tin kireb e yad ma rin’ nap’an e yafos rorad. yug nap’an nni gargalegrad miyad tabab ko sasalap l’ugun.

Psalms 59:12

Denen e bay u dap’il’ugunrad, urngin e tin yad ma yog e ba sug ko denen; mang e yugu ra awgad ko pi tolngan’ rorad! Ni bochan e yad ma yibil ni nge buch wa’athan be’ ma yad ma ban,

Psalms 59:13

mu thang owcharad u fithik’ e damumuw rom; mu thirifrad u but’. Ma aram me nang gubin e girdi’ ni Got e be gagiyeg u lan yu Israel, ma gagiyeg ni be tay e ke garar u ga’ngin e fayleng.

Psalms 62:4

Kemus ni gimed ba’adag ni ngam girngiyed nga but’ u tagil’ nib gil; ma bfel’ u wan’med e sasalap. Gimed ma yog e thin ni fel’faen, machane lanin’med e be gernagey.

Psalms 64:3

Yad be uthum bolowtherad ni bod yungi saydon, yad be pulweg e thin ni kireb ni bod bogi gan e gat’ing.

Psalms 7:14

Amguy rogon nma leamnag e girdi’ ni kireb e tin tagan; yad ma tanomnag e oloboch miyad rin’ e sasalap.

Psalms 73:8

Yad be moningnag boch e girdi’ ma yad be weliy e tin kireb; yad ba tolngan’ ma yad be puruy’nag rogon ni ngar gafgow niged boch e girdi’.

Proverbs 21:6

Fla’ab nike yag ngom ko sasaliyab e dabi n’uw nap’an me m’ay, machane ke waliyem i yan ko yam’.

Proverbs 30:8

Mu aywegeg nga dab ug sasalap l’ugun, ma dabri fel’ rogog ma dab rug gafgow. Ere mu pi’ ngog chi urngin e ggan nib t’uf rog.

Isaiah 59:4

Ma lan tagil’ e puf oloboch ni ga ra yan ngay, ma tin mat’aw e dariy u barba’ i to’bem. Ya sasalap l’ugun e ir e kam ta’ ngay ni ngam gel riy u kort. Ka mu rin’ e tin nim gonpiy ni ngam gafgownag boch e girdi’ riy.

Jeremiah 9:3

Gubin ngiyal’ ma ka ra fal’eged rograd ni ngar sasalapiyed l’ugunrad, gathi tin rriyul’ ya tin sasalap e be gagiyegnag daken e nam. I SOMOL e be ga’ar, “Girdi’ rog e yad be ngongliy e kireb nib ul ul reb nga reb ma dariy e ngarogned ni gag e Got rorad.”

Amos 8:4

Mu telmed ko pi thin ni ba’aray, gimed e pi’in ni gimed be yot’ nga but’ e pi’in be gafgow ma gimed be guy rogon ni ngam thanged e pogofan rok e pi’in ni gafgow ko nam.

Matthew 12:34

Gimed e pi porchoyog nir — ra di’in mi gimed yog e tin ni bfel’ ban’en ni fa’anra gimed ba kireb? Ya l’uguney e ma weliy e n’en nike sugnag lanin’uy.