Psalms 1:3 - Bible Ni Thothup

³ I ir e bod ba ke gek’iy nike tugul u to’oben ba lul’; gubin ngiyal’ nma k’uf ko ngiyal’ nra taw ngay ni nge k’uf, ma der mororoy yuwan. Urngin e tin ma ngongliy e ma yan i aw ni bfel’.

Psalms 1:3 Iomraidhean Croise

Genesis 39:23

Ma fa’anem nib milfan e kalbus ngak e yan i par ndakuriy fan ni ngi i guy e pin’en nike pag fan ngak Josef, ni bochan e bay SOMOL rok Josef, ni be ayuweg Josef be fel’ urngin ban’en ni be ngongliy.

Genesis 39:3

Me guy e masta rok ni bay SOMOL rok Josef, ni urngin ban’en nra muruwliy Josef mra fel’ ni bochan e bay SOMOL rok ni be ayuweg.

2 Kings 18:7

Ere SOMOL e immoy rok, ma gubin ban’en ni ngongliy me yan ni aw ni bfel’ rogon. Me togopluw ngak fare pilung nu Assyria ni de m’ing ngak.

1 Kronicles 22:11

Miki ul ul David ngay ni ga’ar, “Fakag, ere chiney e mang e yigi i par SOMOL rom ni Got rom, ma mang e yigi tay nga tagil’ e re bugithin ney ni micheg ni nge tem nge yag rom ni mu toy ba tempel ni fan ngak.

1 Kronicles 22:13

Fa’an ga ra fol u gubin e pi motochiyel ni pi’ SOMOL ngak Moses ni fan ngak yu Israel, mra fel’ rogom. Mu gelnag lanin’um me pagan’um, dab mu pag ban’en nge k’aring e marus ngom.

2 Kronicles 31:21

I fel’ rogon gubin ban’en u pulwon ni bochan gubin e tin i rin’ ni fan ko fare Tempel nge rogon ni i tiyan’ ko motochiyel, i rin’ ni bay laniyan’ riy, ma rib yul’yul’ ngay ma kari pi’ ir ni polo’ ngak e Got rok.

2 Kronicles 32:23

Bo’or e girdi’ nrabad nga Jerusalem ni ka ra feked e maligach ni fan ngak SOMOL nge tow’ath ni fan ngak Hezekiah, rengiyal’ i n’em e gubin e nam ni ur tedfan Hezekiah.

BABYOR NI JOB 14:9

ya yira tarannag me thay e nof riy ni bod ba ke gek’iy ni ka fini tugul.

BABYOR NI JOB 22:28

Ma urngin e tin ga ra ngongliy mra yan i aw ni bfel’, ma tamilang e bayi gal’ e kanawo’ rom.

Psalms 128:2

Maruwel rom e ra yagnag e tin bt’uf rom; bay mu felfelan’ me fel’ rogom.

Psalms 129:8

Dariy be’ nra yan u to’oben me ga’ar, “Mang e yigi fal’eg SOMOL wa’atham! Gamad be fal’eg wa’atham u fithingan SOMOL.”

Psalms 92:14

nike pilbithir ma ku ma k’uf ni ku be par ni kab galunglung ma ku ba gel.

Psalms 92:15

Be dag ni SOMOL e bmat’aw, ma dariy ban’en nib kireb ko en ma yororiyeg.

Isaiah 27:11

Papa’ngin e gek’iy e ke l’ud be m’ingm’ing, be kunuy e pi’in ppin ni nge mang l’ud. Bochan e dar nang e girdi’ fan ban’en, me’ere Got ni En ni Sunumiyrad e bay dabki kirban’ ngorad ara dag bochu’uw i marunguy ngorad.

Isaiah 3:10

Pi’in mat’aw e yad ra felfelan’ mra fel’ e urngin rorad. Ma yad e bay ra felan’gad ko tin ur marwuliyed.

Isaiah 44:4

Bay i fel’ rogorad i yan ni bod e pan ni yibe tarannag ni bfel’ rogon, ni bod e gek’iy ni willow nike tugul u to’oben yu pa’ i lul’.

Isaiah 58:11

Ma gubin ngiyal’ ni bay ug pow’iymed, me felan’med ko pin’en ni bfel’ ni bay gu pi’ ngomed. Mu gu taymed ni gimed ba gel ma dariy e liliy romed. Gimed ra bod ba milay’ ni pire’ e ran riy, ma bod ba alublub nder ma m’ay e ran riy.

Jeremiah 17:8

Ra bod bake gek’iy ni tugul u charen e lul’ ni pi’ likngin nga fithik’ e ran. Ni darmayib e marus ngak u ngilan’ e yal’, ni bochan yuwan ni be par nib galunglung; dar ma magfan’ ko n’uw ni dakir aw; yug be par ni bay e mak’uf riy.

Ezekiel 17:8

Machane fare ke grape e kan mu’ i yung ko gin nib yong’ol e but’ riy, ma bfel’ rogon e ran ni bay riy nrayag ni dub’agnag yuwan me yo’ornag wom’ngin me par nib ke grape nib dammal.

Ezekiel 19:10

Chitinam e bod bake grape ni kan yung u charen e lul’. I yo’or yuwan nge wom’ngin ni bochan e ran nib yo’or.

Ezekiel 31:5

Bochan e rib fel’ rogon ni be fek e ran, Me ilal nge n’uw nib tolang ngak urngin kaen e gek’iy. Ma rib dib’ag papa’ngin mab nun’uw.

Ezekiel 47:12

Ra barba’ e re lul’ nem ma gubin mit e gek’iy mra tugul riy nge pi’ e ggan. Yuwan e pi gek’iy nem e dariy e ngiyal’ nra mororay, ma dabital ko mak’uf. Pi gek’iy nem e ra i pi’ wom’ngin ni gubin e pul, ni bochan e be tarennag fare lul’ ni be yib ko Tempel. Fapi gek’iy e bayi k’uf wom’ngin ni ggan, ma yuwan e pi gek’iy nem e bay un fanay ni falay.”

Numbers 24:6

ni bod yu thal i gek’iy ni palm nib k’af, ara yungi woldug ni bay u to’oben e lul, ni bod e gek’iy ni aloes ni SOMOL e ke yung, ara gek’iy ni cedar ni bay u to’oben e ran.

Matthew 13:6

Nap’an ni yib e yal’ ngalang me mororoynag e pi woldug nem ni ka fini tugul, ma de n’uw nap’an me l’ud ya dawori to’ar lik’ngin e pi woldug nem nga fithik’ e but’.

Matthew 21:19

Me guy ba ke gek’iy ni fig ni bay u to’oben e kanawo’ me yan ngay, ma dariy wom’ngin ya go’ yuwan e bay. Ma aram me ga’ar ko fare ke gek’iy, “Gathi bay ki yib wom’ngim bayay!” Ma ka chingiyal’ nem me mororoy fare ke gek’iy.

Matthew 21:34

Ma fa’ani taw nga nap’an ni ngan t’ar wom’ngin fa gi woldug me l’oeg e pi sib rok ngak fa pi’in kar ninged fa gi woldug ni ngar feked e birok’ e f’oth.

Matthew 21:41

Miyad fulweg ngak ni lungurad, “Rib muduwgil nra li’ e pi girdi’ nem ni yad ba kireb, me pi’ fa gi woldug ngak yugu boch e girdi’, ni yad e yad ra pi’ e birok’ e f’oth u wom’ngin e woldug ko ngiyal’ ni ngan pi’ riy.”

John 15:6

En ni dabi par u fithik’ag e yira n’ag, nge mororoy ni bod ba pa’ngin e grape; papa’ngin e grape ni aram rogon e yira kunuy nga nin’ nga mit e nifiy nge yik’.

Deuteronomy 28:8

“I SOMOL ni Got romed e bayi fal’eg wa’athan e maruwel romed, me suguy e grain ngalan e naun ko grain romed. Bayi fal’eg wa’athmed u lan fare nam ni bayi pi’ ngomed.

Jude 1:12

Yad bod yu yang i alit u fithik’med ko ngiyal’ ni kam ted bochi abich riy ni yad be abich ma yad be garbod ma yad be nonnon ni gathi yad be leamnag laniyan’ be’ ma darir tamra’gad ko ngongol ni yad be rin’; ma kemus ni go’ yad e yad be leam niged yad. Yad bod e manileng ni be fek e nifeng i yan ma der pi’ e n’uw. Ma yad bod e gek’iy nder yib wom’ngin ni mus ko ngiyal’ nma yib e galowog riy, ni gek’iy ni kan pug lik’ngin ngalang ke l’ud.

Revelation 22:2

nge yan u lulukngun e kanawo’ ko fare binaw. Ma ra baraba’ fare lul’ ma bay e gek’iy ko yafos riy, ni ragag nge l’agruw yay nma k’uf u reb e duw, nra reb e pul ma ta’ab yay; ma yuwan e ma chuweg e liliy rok e pi nam.