Proverbs 4:3 - Bible Ni Thothup

³ Nap’an ni ku gu ba’chig, ni kar gu mus e pagel ni fak e gal labthir rog,

Proverbs 4:3 Iomraidhean Croise

1 Kronicles 22:5

Ya leamnag David ni ga’ar, “Re Tempel ni nge toy fare mo’on ni fakag i Solomon e thangri fel’ ya’an me gilbugwan u fayleng. Machane kab bitir ndawori yo’or ban’en nike nang, ere thingar gu t’ar midlin.” Ere bo’or bogi ban’en ni mam’en ni fal’eg David rogon nge tay u m’on ni nge yim’.

1 Kronicles 29:1

Me weliy David ni Pilung ngak fare ulung i girdi’ ni gubin ni ga’ar: “Fakag i Solomon e ir e cha’ nike mel’eg Got, machane dawri ilal ma dawori yo’or ban’en nike nang rogon. Maruwel ni ngan rin’ e rib ga’, ni bochan e gathi ba naun ni tafen e pilung ni girdi’, ya ba tempel ni fen SOMOL ni Got.

1 Kronicles 3:5

ma bo’or e pagel nni gargeleg u rom ni fak. Bpin rok ni Bathsheba, ni be’ ni bpin ni fak Ammiel, e diyennag aningeg i pagel ni fak: Shimea, Shabab, Nathan, nge Solomon.

Jeremiah 10:23

SOMOL, gu manang ni dariy bagmad ni ir e ga’ ko gin nge sor e yafos rok ngay; dariy be’ ni bay gafan e yafos rok u pa’.

Zekariah 12:10

“Bay gu suguy laniyan’ e pi’in owchen David, nge tin kabay e girdi’ u Jerusalem ko kan nthothup ko wurengan’ nge kan nthothup ko meybil. Bay ra changargad ngak fa en kar yip’ed ko sarey ke yim’, miyad yornag ni bod be’ ni yornag be’ ni fak ni kari ma’agrag rok. Bay ra yorgad nrib gel ni bod be’ ni yornag e bin nganni’ e pagel u fak.

Roma 12:16

Nge par ni ta’reb rogon urngin e girdi’ u wun’med. Dabi tolangan’med, ma dab mu siyeged e maruwel nib sobut’. Ma dab um leam niged ni gimed e llowan’.