Proverbs 3:9 - Bible Ni Thothup

⁹ Tin be yib ko woldug rom e ngam fek e tin th’abi fel’ riy ngam pi’ ngak SOMOL, ni aram e ga be tay fan.

Proverbs 3:9 Iomraidhean Croise

Genesis 28:22

Re malang ney ni kug suwonnag ni nge par nib malang ko puguran e bayi mang naun rom ni ngu’un meybil ngom riy, mu gu pi’ ngom ragag e pasent ko pin’en ni ga be yagnag ngog.”

2 Kronicles 31:10

ma ba’aray e n’en ni yog Azariah ni Prist ni Th’abi Ga’ ni be’ ni owchen Zadok ngak fare pilung, “Nap’an ni tabab e girdi’ i fek e pi tow’ath rorad i yib ngalan fare Tempel, ma gubin ngiyal’ nib gaman e n’en ni ngad ked ma ku bo’or e tin ni aw. Bay e pin’ey ni gubin rodad ni bochan e ke fal’eg Somol wa’athan e girdi’ rok.”

2 Kronicles 31:21

I fel’ rogon gubin ban’en u pulwon ni bochan gubin e tin i rin’ ni fan ko fare Tempel nge rogon ni i tiyan’ ko motochiyel, i rin’ ni bay laniyan’ riy, ma rib yul’yul’ ngay ma kari pi’ ir ni polo’ ngak e Got rok.

Psalms 144:13

Mang e yigi sug e pi naun ni tafen e cha’ar rodad ko gubin mit e wom’ngin e woldug. Mang e yigi yib pifak e pi saf u lan e pi flang rodad ni yu ragag e biyu’.

Exodus 22:29

“Mu pi’ed ngog e tin gimed ma ognag ngog nike taw nga nap’an ko grain romed, wayin, nge gapgep ni olive. “Mu pi’ed ngog e tin ba nganni’ u pifakmed ni pumo’on.

Exodus 23:16

Mu madnom niged e Madnom ko T’ar Wom’ngin e Woldug ko ngiyal’ ni kam tababgad i t’ar wom’ngin e woldug romed. “Mu madnom niged e Madnom ko Nochi Na’un, ko ngiyal’ ni gimed ra kunuy wom’ngin e woldug romed.

Exodus 23:19

“Gubin e duw mu’um feked i yib nga naun rok SOMOL ni Got romed e tin som’on e grain romed ni ka mu t’ared. “Dab mu lithed ba fak e saf, fa ba fak e kaming u fithik’ i logowen thuthun e chitiningin.

Exodus 34:26

“Ra reb e duw ma dabisiy ni ngam fek i yib ko naun rok SOMOL e tin th’abi fel’ ko tin som’on i wom’ngin e woldug rom ni grain. “Ma dab mu lith ba fak e saf ara kaming u fithik’ logowen e thuth rok e chitiningin.”

Proverbs 11:25

Nge puf pa’am, me aram e ra fel’ rogom. Mu ayweg boch e girdi’ mi ni aywegem.

Proverbs 14:31

Fa’an ga ra gafgownag e girdi’ ni dariy ban’en rok, ma ga be togopluw ngak fare Got ni sunmegrad, machane ga ra gol ngak e pi’in ndariy ban’en rorad ma aram ngonglen e liyor.

Isaiah 43:23

Da ku um feked i yib ngog e saf ni maligach ni mo’oruf; da ku mur ted fag ko pi maligach romed. Da gu tomal nagmed ni nggu tuwasariymed nthingar mu pi’ed e maligach ngog, ara aw porawmed ni bochan e incense ni gu be yog ni ngu’um pi’ed ngog.

Levitikus 19:25

Ma bin lal e duw e rayag ni ngam ked wom’ngin. Fa’an gimed ra rin’ ni ara’ rogon, me yib wom’ngin ni pire’. I Gag e SOMOL ni Got romed.

Numbers 15:20

Ma gimed ra lith e flowa ma bin nth’abi som’on e lof ni gimed ra lith ko grain nib be’ech e gimed ra pi’ ngak SOMOL nib f’oth nib mal’eag. Ren’ey e yira pi’ ngak ni bod rogon ni gimed ra pi’ fare f’oth nib mal’eag ngak ko grain ni gimed ma n’ag keru’.

Matthew 25:17

Ma ku aram rogon e n’en ni rin’ fare tapigpig ni fa’ani pi’ l’agruw biyu’ e salpiy ni wasey ngak ni ki yagnag reb e l’agruw biyu’ riy.

1 Korinth 16:2

Chirofen nsom’on u gubin e wik ni aram e madnom e ra bigimed ma thangri fek boch u puluwon nge tay ngabang ni be yan u rogon e salpiy ni be yag ngak, ya nggu taw ma dakuriy fan ni ngan mukun salpiy.

Deuteronomy 14:29

Pi ggan ney e fan ngak e pi Levite, ya dariy e binaw ntaferad, ma ku fan ngak e milekag, nge bitir ni kanim’ rorad, nge pi’in ke yim’ figirngirad ni yad ma par u lan e binaw romed. Pi cha’ney e ngarbad ra feked oren e tin bt’uf rorad. Mu rin’ed ni aray rogon mra fal’eg SOMOL ni Got romed wa’athmed u gubin ban’en ni gimed be rin’.