Proverbs 17:3 - Bible Ni Thothup

³ Gol nge silber e yima sikengnag ko nifiy ma gumircha’en e girdi’ e SOMOL e ma sikengnag.

Proverbs 17:3 Iomraidhean Croise

1 Kronicles 29:17

Gu manang ni ga ma changar nga gumircha’en gubin e girdi’ ma bfel’ u wun’um e girdi’ ni bfel’ laniyan’. Gu be pi’ gubin e pin’ey ngom nrib fel’ lanin’ug ma kug guy rogon e girdi’ rom ni kar mu’ulunggad e ngaray nib felfelan’rad ngay ni ngar pi’ed e pi maligach rorad ney ngom.

BABYOR NI JOB 23:10

Yug aram rogon ma Got e manang gubin yay ni gu be yif’ eg; ra sikeng nigeg, ma ra pir’eg ni gu ba machalbog.

BABYOR NI JOB 28:1

Bay boch e yiy ni yima ker e silber riy; ma bay yu yang ni yima renrennag e gol riy ngan chuweg e chabung u fithik’.

Psalms 139:23

Got, mu guy lanin’ug ngam nang; mu sikeng nigeg ngam nang e leam rog.

Psalms 26:2

SOMOL, mu fal’eg i yaliyeg mag sikeng nigeg; mu pufthinnag e pi ar ar rog nge pi leam rog.

Psalms 66:10

Got, gur e kam sikeng nagmad; ni bod e silber ni kan be’echnag ko nifiy, aram rogon ni kam sikeng nagmad.

Proverbs 15:11

Mus ko fayleng ko yam’ ma dabiyag ni ngar mitheged ban’en u rom rok SOMOL ni dabi nang; ere urgon me yag rok be’ ni nge mithag e leam rok ku Got?

Proverbs 16:2

Rayag ni ngam leamnag ni urngin e tin ni ga be rin’ e ba manigil, machane SOMOL e ma thabthabelnag rogom.

Proverbs 17:2

Ba tapigpig nib m’onm’onnan’ e rayag ni nge ga’ lungun rok be’ nib pagel ni der tiyan’ ni fak e masta rok nge yag bang ko gayog rok ngak.

Proverbs 21:2

Rayag ni ngam leamnag ni gubin e ngongol rom ma go’ bfel’, ma dab mu pagtalin ni SOMOL e be thabthabelnag e tin bay u gumircha’em.

Proverbs 27:21

Nifiy e ma sikengnag e silber nge gol; bugwan be’ e ku rayag i sikengnag.

Isaiah 48:10

Gu sikeng nagmed u fithik’ nifiyen e gafgow, ni bod e silber ni kan ranrannag ni nge macholbog u mit e nifiy. Machane kug pir’eg ni dariy ban’en ni gimed bfel’ ngay.

Jeremiah 17:10

I Gag SOMOL e gu ma wurgiy lanin’uy gu ma sikengnag gumircha’en e girdi’. Rogon e par rok bagyad e aram rogon labgen ni gu ra pi’ ngak, nib paluw nga rogon e ngongol rorad.”

Ezekiel 22:18

“Fak e girdi’, piyu Israel e dakriy farad ngog. Kar boded e chabung ni alit ko wasey ni copper, kobre, iron, nge lead nike magey ko gini ku’un urfiy e silber riy.

Daniel 11:35

Ma boch fapi tayugang’ ni yad ba llowan’ e bay nthang e pogofan rorad. Machane girdi’ e bay ra machalboggad ni bochan e ran’ey. Arrogon ni bay i par i yan ngaram nge mada’ ko tomur, ni aram e ngiyal’ nike duwgiliy Got.

Zekariah 13:9

Bay gu sikengnag e tin kar mageygad, ma bay gu be’ech nagrad ni bod e silber ni yima be’ech nag ko nifiy. Bay gu sikeng nagrad ni bod ni yima sikengnag e gol. Ma aram e bay ra meybilgad ngog, mug fulweg taban e meybil rorad. Bay gog ngorad ni yad pi girdi’eg, ma bay roged ni Gag e Got rorad.”

Deuteronomy 8:16

u rom u daken e ted e pi’ e manna ngu’um ked, ni ba ggan ndawori kay e chitamangimed ni kakrom bi’id. I pi’ bogi n’en nib mo’maw’ nge yib ngomed ni nge sikeng nagmed, ya nge yan i tomur me yu’nag e tin bfel’ ngomed.

Deuteronomy 8:2

Mu tafnay niged rogon ni i pow’iymed SOMOL ni Got romed u daken e ted i yan ni aningeg i ragag e duw ni ba milekag nib n’uw wo’en, ma be pi’ bogi n’en nib mo’maw’ be yib ngomed ni be sikeng nagmed, ya nge guy e n’en ni gimed ra rin’ ko gimed ra fol ko tin keyog ni ngu’um rin’ed fa dangay.

1 Peter 1:7

Fan e pi gafgow ney e nge micheg nriyul’ nib mich Got u wun’med. Mus ko gol ni ban’en nrayag ni ngan kirebnag ma yima sikengnag ko nifiy; ere ku errogon e michan’ romed ngak Got, ni ban’en ni kab tolang puluwon ko gol, e ku errogon nthingar ni sikengnag, ni fan e nge yag ni par. Ma aram e ranog e sorok ngomed, me yag e fla’ab ngomed min tay famed ko fare Rran nra yib i m’ug Jesus Kristus riy.

Revelation 2:23

Ma bay kug li’ pifak ngarm’ad, ma aram e urngin girdi’en e pi galesiya ma bay ra nanged ni gag fa’anem ni ir e manang laniyan’ e girdi’ nge tin ni be athpeg e girdi’. Ma bayi bigimed mu gu pi’ puluwon nib m’ag nga rogon e ngongol rok.