Obadiah 1:1 - Bible Ni Thothup

¹ Irera’ e tin ni yi’iynag Obadiah — ni aram e n’en ni yog SOMOL ni Th’abi Tolang u murung’agen e nam nu Edom. I SOMOL e l’oeg e mal’og rok nge yan ko pi nam, ma kad rung’aged e thin rok: “Da fal’egned rogdad! Ngad m’aged e mael nga Edom!”

Obadiah 1:1 Iomraidhean Croise

Genesis 25:30

me ga’ar ngak Jakob, “Ku gum’ ko bilig; mpi’ buchuuw e pi n’ir nib row nggu way.” (Aram fan ntunguy Edom ngak.)

Genesis 36:8

Ere Esau e i par u fithik’ e burey u Edom.

Genesis 36:9

Irera’ e pi’in owchen Esau, ni ku yad e chitamngin e Edomite.

Psalms 137:7

SOMOL, mu leamnag e n’en ni rin’ e pi Edomite ko fa rofen nem nni kol yu Jerusalem ko mael. Mu leamnag rogon ni i lungurad, “Mu buthuged nge mada’ nga daken e but’!”

Isaiah 21:11

Irera’ e thin ni murung’agen yu Edom. I tolul be’ ngog u Edom ni ga’ar, “Matnag, ke chugur ni nge rran fa dawor? Mog ngog ko mingyal’ e ra mus.”

Isaiah 21:12

Mug fulweg, “Be n’en ni nge kadbul, machane bay ki nep’ bayay. Ma fa’anra ka ga ba’adag ni ka ga ra fith bayay, mag sul ngam fith.”

Isaiah 30:4

ni yug aram rogon ni pi’in owcharad nga reb e nam e ka ra tawgad nga Egypt ko binaw nu Zoan ngu Hanes,

Jeremiah 25:17

Ma aram mug fek fare kap u pa’ SOMOL, nggu pi’ ko pi nam nike l’oegeg SOMOL ni nggu pi’ ngorad ngar unumed.

Jeremiah 51:46

Dabi mulan’med ara mu rus gad ni bochan e tin kam rung’aged. Gubin e duw ma yug reb e thin e be wear ni murung’agen e wodmang u lan binaw nge pilung ni be togopluw reb nga reb.

Ezekiel 35:1

I SOMOL e non ngog.

Joel 3:19

“Bayi par yu Egypt ni bod bangi ted ni desert, ma yu Edom e ke kireb ndakuriy ban’en ni bfel’ ngay, ni bochan e rchamgad ko nam nu Judah ngar li’ed e girdi’ riy, ni dariy ban’en ni kar bucheged.

Mikah 2:13

I Got e bayi bing e kanawo’ ngorad me fekrad nga wuru’ e re nam ni yad bay riy ni kar kalbus gad. Bay ranod nga wuru’ e garog ko fare binaw nike puf mat’wonrad. Pilung rorad ni aram SOMOL e bayi pow’iyrad nga wuru’ e pi binaw nem.

Matthew 24:6

Bay mu rung’aged lingan e mael nib chugur nge murung’agen e mael nib orel; machane mu telmed, dab mu rusgad. Ya pin’ey e thangri yib, machane gathi fan e pin’ey e aram e ke taw nga tomuren urngin ban’en.

Mark 13:7

Ma ngiyal’ ni gimed ra rung’ag lingan e mael nib chugur nge murung’agen e mael nib orel, ma dab mu rusgad; ya pin’ey e thangri yib, machane gathi fan e pin’ey e aram e ke taw nga tungun.