Numbers 9:14 - Bible Ni Thothup

¹⁴ “Fa’anra bay be’ u reb e nam u fithik’med ni ba’adag ni nge un i madnomnag e Paluk’af, ma thangri un i madnomnag ni bod rogon e pi gafal nge yalen ni yima rin’ riy. Ta’ab motochiyel e nge fol gubin e girdi’ riy, ndemturug ko be’ nu Israel ara be’ u yug reb e nam.”

Numbers 9:14 Iomraidhean Croise

Ezra 6:21

Girdi’ ni kay e ggan ko re madnom nem ni Paluk’af e urngin e girdi’ nu Israel ni ur kalbusgad u Babylon ni kar sulod, nge urngin e pi’in ni kar paged e bin ba’aram e ngongol ni yad ma meybil ko liyos nge yugu boch e got, ni bod ni be rin’ girdi’en yugu boch e nam ni be par u lan e nam nu Israel, ma kar tababgad i liyor ngak SOMOL ni Got rok yu Israel ma yad be meybil ngak.

Exodus 12:43

Me ga’ar SOMOL ngak Moses nge Aron, “Ireray e pi gafal ko Paluk’af: Pi’in gathiyad piyu Israel e dab ra uned i kay boch e ggan ko Paluk’af,

Exodus 12:47

Ri ga’ngin yu Israel nthingar ra aywegned e re madnom ney,

Levitikus 19:10

Ma dab kum sulod nga fithik’ e woldug romed ni grape ngam kunuyed wom’ngin nda ni guy ngan t’ar ara mfeked e tin ni mul nga but’; ya ngam paged nge kay e girdi’ ni gafgow nge girdi’ u bang ni be par u fithik’med, ya Gag e SOMOL ni Got romed.

Levitikus 22:25

Dab mu pi’ed e maligach ni ggan ni yug ba gamanman ni kan fek rok be’ u reb e nam. Ba gamanman ni aray rogon e ba kireb ma dab ni fanay ni maligach ya dabi fel’uwan’ SOMOL.”

Levitikus 24:22

Re motochiyel ney e fan ngomed e girdi’ nu Israel nge girdi’ nu reb e nam ni be par u fithik’med, ni bochan e Gag SOMOL ni Got romed.”

Levitikus 25:15

Pulwon ni ngam duwgiliyed e nge pluw nga urngin e duw nrayag ni nge pi’ fare gi but’ wom’ngin e woldug u m’on ni nge taw ko fare Duwan e Felfelan’.

Numbers 15:15

Ma chiney i yan ngaram e ta’bogi gafal e ngam faned nge girdi’ u boch e nam ni yad ma par u fithik’med. Ta’reb rogomed nge pi cha’nem u mit SOMOL;

Numbers 15:16

ta’bogi motochiyel nge gam’ing e gimed bay u tanggin, gimed nge yad.

Deuteronomy 29:11

nge ppin, nge pifakmed, nge pi girdi’ nu boch e nam ni yad be par u fithik’med, yad be masey l’ud ma yad be mal’ing ran romed.

Deuteronomy 31:12

Mu ulunguy urngin e pumo’on, nge ppin, nge bitir, nge melekag ni be par u lan e yochi binaw romed, ya nge gubin e girdi’ me rung’ag ngar filed rogon ni ngu’ur pired ma bay madgun SOMOL ni Got romed u wun’rad, nop’amed ni ngam folgad u gubin bugethin ko re motochiyel ney.