Numbers 8:24 - Bible Ni Thothup

²⁴ “Fin ra gaman e rliw’ nge lal e duw yangren reb e Levite mrayag ni nge maruwel u lan fare Tent u p’eowcheg,

Numbers 8:24 Iomraidhean Croise

1 Kronicles 23:3

Me the’eg gubin e pumo’on rok yu Levi ni pi’in ke gaman e guyey e duw yangren ngalang. Ma urngirad u gubin e guyey nge meruk bbiyu’.

2 Kronicles 31:17

Fapi prist e ni pi’ e maruwel rorad ni nrogon e re ke girdi’ ni yad bay riy, ma pi Levite nike gaman e rliw’ e duw yangarrad ngalang e ni fal’eg e ulung rorad mi ni pi’ e maruwel ngorad.

Numbers 1:53

Machane pi girdi’ ko ganong rok Levi e yad ra n’uf e pi Tent rorad nib liyeg fare Tent rog ngu’ur matnagiyed, ya nge dabi chugur yug be’ ngay ya ri mang tapgin e damumuw rog ni nge aw ngak yu Israel ni ga’ngin.”

Numbers 4:23

me ngongliy babiyoren fithingan urngin e pumo’on ni bay e duw rorad ko guyey nge mada’ ko wugem nrayag rorad ni ngar maruwelgad u lan fare Tent u p’eowchen SOMOL.

Numbers 4:3

min fal’eg babyoren fithingan urngin e pumo’on ni guyey nge yan i mada’ ko wugem e duw yangarrad ni ngar maruwelgad u lan fare Tent u p’eowchen SOMOL.

Numbers 4:30

me fal’eg babyoren fithingan gubin e pumo’on ni bay e duw rorad ko guyey nge mada’ ko wugem nrayag ni ngar maruwelgad u lan fare Tent u p’eowchen SOMOL.

Numbers 8:23

Me ga’ar SOMOL ngak Moses,

Numbers 8:25

mra gaman e wugem e duw rok bagyad ma nge tal ko maruwel.

1 Korinth 9:7

Mini’ e cha’ ni ka’a yigi rung’ag murung’agen ba salthaw ni ir e be pi’ puluwon e tin nge yag ngak? Ara be’ ni be woldug nde unum e grape ko grape rok nike yung? Ara be’ ni ir e be gafaliy e saf nde fek e milik ko saf rok nge unum?

2 Korinth 10:4

Talin e cham ni gamad be maruwel ngay ko cham ni gamad be tay e gathi talin e cham nu roy u fayleng, ya talin e cham nib yargel ni yib rok Got, ni ir e ngan kirebnag ngay yungi n’en nike fal’eg e mo’onyan’ rogon ke par riy be cham ngodad. Gamad be kirebnag e thin nde riyul’ ni be togopluwnag e girdi’ ngak Got;

1 Timothy 1:18

Timothy ni fakag, kug pag fan e re bugithin ney ngom, ni bod rogon e thin nni yi’iynag nike n’uw nap’an ni murung’agem. Pi thin ney e ir e nge mang talin e cham rom ko cham ni ga be tay nib mat’aw,

1 Timothy 6:12

Mu athamgil ngam mil nike musmus rogom ko sagreng ni yibe tay u rogon nib mich Got u wun’uy, ngam yagnag ngom e yafos ndariy n’umngin nap’an; ya ireray e re yafos nike piningem Got ngay ko fa ngiyal’nem ni mu weliy ni bfel’ rogon u p’eowchen bo’or e girdi’ rogon nike mich Kristus u wun’um.