Numbers 6:27 - Bible Ni Thothup

²⁷ Aray rogon ni ngar yibiliyed piyu Israel nga fithingag, mu gu fal’eg wa’athrad.

Numbers 6:27 Iomraidhean Croise

Genesis 32:26

Me ga’ar fare mo’on, “Mpageg nggu wan, ya ke yib e tamilang.” Machane me ga’ar Jakob, “Fa’anra dab mu fal’eg wa’athag, ma dab gu pagem ngam man.”

Genesis 32:29

Me ga’ar Jakob, “Wenig ngom, mog fithingam ngog.” Me ga’ar, “Mang ni ga be fith fithingag?” Ma aram me tay fa’anem Jakob ni ngi i fel’ wa’athan.

2 Samuel 7:23

Dakuriy reb e nam ngabang u fayleng ni bod e yu Israel, ni gur e mu lufrad ko sib ngam mang nagrad girdi’ rom. Pin’en ni ba sorom riy nge pi ma’ang’ag ni mu rin’ ngorad e wear murung’agem riy u roy u fayleng. I gur e mu tuluf e pi nam nge pi got rorad u nap’an ni be yan e girdi’ rom i yan nga m’on, fapi girdi’ ni gur e mu pithigrad u Egypt ni ngar manged girdi rom.

1 Kronicles 4:10

Machane me meybil Jabez ngak fare Got nu Israel ni ga’ar, “Got mu tow’ath nigeg, ngam ga’nag e gin tafnag. Mu par rog nga mu yororiyeg ko kireb nge dabi kar amith ngog.” Me pi’ Got ngak e tin ni meybilnag.

2 Kronicles 7:14

ma fa’anra yad ra meybil ngog ni ka ra kal gad ngan’rad miyad pi’ keru’rad ko kireb ni yad be ngongliy, ma aram e gu ra rung’ag nga tharmiy, mu gu n’agfan u wun’ug e denen rorad, mu ku gu fulweg e nam rorad nge fel’ rogon bayay.

Psalms 5:12

SOMOL, ga ma fal’eg wa’athan e pi’in yad ma fol rom; t’ufeg rom e ma yaroriyrad ni bod e shield.

Psalms 67:7

Got e ke fal’eg waathdad; mang e yigi liyor gubin e girdi’ u gubin yang ngak.

Exodus 6:3

Gu m’ug ngak Abraham, nge Isak, nge Jakob ni gag Got ni Gubin ma Rayag Rog, machen da gog fithingag ngorad nib thothup, ni Gag SOMOL.

Isaiah 43:7

Yad e girdi’ rog, ma gu sunumiyrad ni ngar ted fag.”

Jeremiah 14:9

Mangfan ni ka mu bod be’ nike gin ngomad, ni bod ba salthaw ni dakriy gelngin ni nge pi e ayuw? Rriyul’ SOMOL ni ga bay romad! Gamad e girdi’ rom; are dab mu n’agmad.’”

Numbers 23:20

Keyog Got ngog ni nggu fal’eg wa’athay, Ma nap’an nra fal’eg Got wa’athay, ma dabkiyag ni nggu rin’ ban’en ngay.

Matthew 28:19

Ere mmarod ngak girdi’en e pi nam u gubin yang ngam pingeged yad ngar manged pi gachalpeg, mi gimed tawfe nagrad nga fithingan e Chitamangiy nge Fak nge fare Kan Nthothup,

Efesus 1:3

Ngad pininged e magaer ngak Got ni ir e Chitamngin e Somol rodad i Jesus Kristus! Ya ke tow’ath nagdad u daken e ta’ab girdi’ ni kad ted Kristus, ni fan e ke pi’ ngodad urngin mit e tow’ath nu tharmiy.

Deuteronomy 28:10

Ma aram e gubin e girdi’ nu fayleng ni yad ra guy nike mel’egmed SOMOL ni ngam manged girdi’en, miyad par ni bay doguwmed u wun’rad.