Numbers 5:15 - Bible Ni Thothup

¹⁵ demturug rogon ma fare pumo’on e thangri fek le’engin i yan ko fare prist. Ma ku bay ba maligach ni fen fare bpin nthingari chagiy ngak nge fek i yan, ni aram e l’agruw e pawn e flowa ni barley, machane dabi pu’og e gapgep ni olive nga daken ara wereg e incense nga daken, ni bochan e ba maligach nike yib rok be’ nib mo’on ni be talyegnag le’engin, ni bochan e nge m’ug e tin riyul’.

Numbers 5:15 Iomraidhean Croise

1 Kings 17:18

Me ga’ar ngak Elijah, “Gur e girdi’ rok Got, mang ni kam rin’ e biney e pa’ ngog? Mog, mub ngaray ni ngam puguran e denen rog ngak Got ya nge yim’ fakag?”

Ezekiel 21:23

Girdi’ nu Jerusalem e de mich u wan’rad e biney ni bochan fapi m’ag nra ngongliyed u thilrad. Machane biney e yi’iy e be pugoran ngorad e denen rorad ma ke gagyelnag ngorad ni bay ni kolrad.

Ezekiel 29:16

Israel e dakuriy bangiyal’ ni yad ra pag e taga’ ngorad ko ayuw. N’en ni buch ngak yu Egypt e bay i puguran ngak yu Israel feni balyang ni i toer ngorad. Ma aram e bayi nang yu Israel ni Gag SOMOL ni Th’abi Tolang.”

Hosea 3:2

Ere ragag nge lal e salpiy ni silber nge medlip e dabiy e barley ni gu pi’ nggu chuw’iy fare pin ngay.

Levitikus 1:2

ni fan ngak piyu Israel ni ngu’ur folgad riy ko ngiyal’ ni yad be pi’ e maligach rorad. Ra nge pi’ be’ ba maligach ni gamanman, ma reb e garbaw rok, fa reb e saf rok, ara reb e kaming rok.

Levitikus 2:1

Ra nge pi’ bigimed ba maligach ni grain ngak SOMOL, ma sam’on e thangri bilig nge yib ni flour. Me tay e gapgep ni olive nge incense nga daken

Levitikus 5:11

Fa’anra dabiyag puluwon l’agruw arche’ ni dove ara l’agruw e bulogol rok be’, ma thangri fek i yib l’agruw e pawn e flour ni ngan ognag ni fan ko denen rok. Dabi tay e gapgep ni olive ara incense ngay, ya ba maligach ni fan ko denen, ma gathi bmaligach ni grain.

Numbers 5:16

Fare prist e nge pining fare bpin i yan nga m’on nge sak’iynag nga mit fare altar.

Hebrews 10:3

Machane fan e pi maligach nem e nge puguran ko girdi’ e denen rorad u reb e duw ngu reb.