Numbers 4:33 - Bible Ni Thothup

³³ Irera’ e pi maruwel ko fare ke girdi’ rok Merari ni aram e pigpig rorad u lan fare Tent; yad ra rin’ e pi maruwel ney ni bod nike pow’iyrad Ithamar ni be’ nib mo’on ni fak Aron ni prist.

Numbers 4:33 Iomraidhean Croise

Exodus 38:21

Ireray urngin e pin’en nni fanay ko fare Tent u P’eowchen SOMOL, ko gin bay fagal yang i malang riy ni kan yoloy fa Ragag i Motochiyel nga daken. I Moses e yog ngak e pi Levite ni Ithamar e ma tay murung’agen e maruwel ni ngar rin’ed, ni be’ nib mo’on ni fak Aron ni prist ni ngar sumar niged urngin e pin’ey.

Isaiah 3:6

Bayi taw nga bangiyal’ nra bakean e girdi’ ma bay ra mel’eged be’ u fithik’rad ngar ga’argad ngak, “I gur e kabay e mad ni ga ra yin’, are ngam mang ga’ rodad e ngiyal’ney nnap’an e gafgow.”

Numbers 4:28

Irera’ e maruwel rok fare ke girdi’ rok Gershon u lan fare Tent; yad ra rin’ e pi maruwel ney ni bod nike pow’iyrad Ithamar ni be’ ni mo’on ni fak Aron ni prist.

Numbers 4:32

nge rumog, nge ta’ ko fare Tent, nge pi yuluy riy nge gufan fare yoror nib liyeg fare Tent, nge gubin e pi ayal riy ni yima fanay ni ngan n’uf fare yoror ngalang. Ra bagyad fapi pumo’on ma maruwel rok reb e pin’em ni nge fek.

Numbers 4:34

I Moses nge Aron nge pi tayugang’ nu Israel e ra folgad rok SOMOL ngar the’eged e girdi’ ko fa dalip ke girdi’ ni bay u lan fare ganong ko Levite, ni fare ke girdi’ rok Kohath, nge Gershon, nge Merari. Ra the’eged e yuke girdi’ nge tabnaw, mar fal’eged babyoren fithingan urngin e pumo’on ni guyey e duw yangren nge mada’ ko wugem nrayag ni ngar maruwelgad u lan fare Tent u p’eowchen SOMOL, ni bod ni ba’aray: Yu ke girdi’ Urngin e girdi’ Kohath 2,750 Gershon 2,630 Merari 3,200 Urngirad u gubin: 8,580

Numbers 7:8

ma aningeg e wagon nge meruk e garbaw ni pumo’on ngak e girdi’ ni owchen Merari. Urngin e pi maruwel ni ngu’ur ngongliyed me Ithamar nib mo’on ni fak Aron e ngi i yog rogon ngorad.

Joshua 3:6

Ma aram me ga’ar Joshua ngak fapi prist, “Mat’egned fare Kahol ko M’ag ngam mon’od rok e girdi’!” Miyad rin’ ni bod nike yog.