Numbers 35:25 - Bible Ni Thothup

²⁵ Girdi’ ko fare binaw e ngar ayuweged e cha’ nike thang e pogofan u pa’ e girdi’ rok facha’ nike yim’. Miyad pi’ facha’ nge par u reb fapi binaw ni tagil e ayuw. Me par u rom nge mada ko ngiyal nike yim’ fare Prist ni Th’abi Ga’.

Numbers 35:25 Iomraidhean Croise

2 Samuel 14:14

Gadad gubin ni go’ bay da m’ad; gadad bod e ran nike map’ nga daken e but’, ni dabkiyag i kunuy bayay. Mus ngak Got ma de faseg e pi’in karm’ad, machane en pilung e ra gonpiy rogon reb i kanawo’en me sul be’ ni pumo’on ni ba’ u bang ni bod ba kalbus.

Exodus 29:7

Mag fek fare gapgep ni fen e mathiy ngam pu’og nga lolgen mag liyef ngay.

Levitikus 21:10

“Fare Prist ni Th’abi Ga’ e kan pu’og fare gapgep ni fen e mathiy ni nge tabgul nigey nga daken lolgen ni kan tabgulnag ni nge chuw ko fapi madan e prist, thangri dabi pag piyen lolgen ndabi rawey ara guchthiy e mad rok ni nge dag ni ir be’ ni be mowaw.

Levitikus 4:3

Fa’anra fare Prist ni Th’abi Ga’ e ke denen ni aram e ke girengiy e kireb nga daken e girdi’, ma thangri fek i yib ba fak e garbaw nib pumo’on ni dariy bochyang u downgin nib kireb ngan pi’ ni maligach ngak SOMOL, ni fan ko denen rok.

Levitikus 8:12

Me pu’og boch fare gapgep ni fen e mathiy nga daken lolgen Aron.

Numbers 35:24

Ra buch ban’en ni arrogon ma girdi’ ko fare binaw e ngar turguyed ni bfel’ e rok fa’anem ni ir tapgin e yam’ ni tay facha’ ma dab ra folgad nga girdi’en fare yam’ ni karbad ni ngar filed biyen.

Numbers 35:26

Ma fa’anra chuw fa’anem, nike cham, ko fare binaw ni tagil’ e ayuw

Numbers 35:28

Thangri par fa en ke cham u lan fare binaw nge mada’ ko ngiyal’ nike yim’ fare Prist ni Th’abi Ga’; kemus e ngiyal’ nrayag ni sul riy nga tafen.

Joshua 20:6

Rayag ni nge par u lan fare binaw nge taw ko ngiyal’ ni kan pithig e oloboch rok u mit e girdi’ ni yo’or, nge ngiyal’ nike yim’ e re mo’on ni ir e Prist ni Th’abi Ga’. Ma aram e rayag ni nge sul fare mo’on nga tabnaw ko binaw rok ko gin nike mil riy.”