Numbers 32:7 - Bible Ni Thothup

⁷ Mang ni gimed be luf lanyan’ e girdi’ nu Israel ko th’um lul’ nga ba’nem ko binaw nike pi’ SOMOL ngorad?

Numbers 32:7 Iomraidhean Croise

Numbers 13:27

Lungurad ngak Moses, “Kug lekged fare nam ni mol’ogmad ni nggu warod ngay; ba nam nib pire’ ban’en riy ma ba yong’ol e but’ riy, ma ba’aray boch i wom’ngin e woldug riy ni kug feked.

Numbers 13:31

Machane fapi girdi’ nra uned ngak Kaleb nga ranod e lungurad, “Dabiyag ni ngad m’aged e mael ngorad ya gadad bme’ewaer; ya ba gel e mal’af riy ni yad ba gel ngodad.”

Numbers 21:4

Me chuw piyu Israel ko burey ni Hor ngranod ko fare pa’ i kanawo’ ni yan ko fa gi day ni Red Sea, ni fan e ngar liyeggad u wuru’ yu Edom. Ma nap’an ni yad be yan ma dakiyag ni ngar gum’an niged yad,

Numbers 32:6

Me fulweg Moses ni ga’ar, “Gimed ba’adag ni ngam pired u roy mi gimed pag pi chongmed nu Israel ngranod ko mael?

Numbers 32:9

Mranod i yan nga talang ko Loway nu Eshcol miyad guy fare binaw, machane fa’anra sulod, miyad l’uf lanyan’ e girdi’ ko yan ko fare binaw nike pi’ SOMOL ngorad.

Acts 21:13

Machane me fulweg ni ga’ar, “Mang e kam rin’ed ni gimed be yor gimed be kirebnag an’ug? Kug fal’eg rogog ni gathi kemus ni ngan m’ageg u Jerusalem machane mus ni nggum’ ni fan ngak Somol Jesus.”

Deuteronomy 1:28

Mangfan nthingar darod ngaram? Ni gadad be rus. Fapi pumo’on nda l’oegedyad e karogned ngodad ni pi girdi’ ni bay u rom e yad ba gel ma yad bn’uw ngodad. Ma pi binaw ni yad be par u langgin e go’ kan yororiy nrib tolang nga lanelang. Kar guyed e girdi’ u rom nib n’uw ma yad ba tagyet!’