Numbers 32:32 - Bible Ni Thothup

³² Gamad ra thum’ ngalan e binaw nu Kanaan ni SOMOL e ke pi’mad magmad yan ko mael, ya nge yag niki par nib milsuwon tafenmad ngomad u roy u ba’ ni ngek e Jordan.”

Numbers 32:32 Iomraidhean Croise

Levitikus 14:34

e pi gafal ni ba’aray ni murung’agen e pi naun nra yib e pthethaw ngay. (Pi gafal ney e nge maruwel piyu Israel ngay nnap’an ni yad ra thap ngalan fare nam nu Kanaan, ni bay i pi’ SOMOL ngorad ni ngar tafned.) Fa’anra pir’eg bigmed ni SOMOL e ke l’oeg e pthethaw ko naun rok, ma thingari yan i yog murung’agen ngak e prist.

Numbers 32:19

Ma dabki milfan ngomad bang e tirorad e binaw u ba’nem e Jordan, ya kem’ay i pi’ ngomad e tiromad e f’oth u ba’ ni ngek e Jordan.”

Numbers 32:31

Me fulweg fapi pumo’on ko ganong rok Gad nge Ruben nra ga’argad, “Siro’, ri gamad ra rin’ ni bod nike yog SOMOL.

Numbers 32:33

Me pi’ Moses urngin e binaw rok Sihon ni Pilung nu Amorite nge Og ni Pilung nu Bashan ko ganong rok Gad nge Ruben nge baley ko ganong rok Manasseh, nib mu’un ngay e yochi binaw nge charen i yan.

Numbers 34:15

u ba’ ni ngek e Jordan, u puluwon yu Jeriko nga barba’.”

Deuteronomy 1:1

Irera’ fapi thin ni yog Moses ngak urngin e girdi’ nu Israel u ba’ ni ngek e lul’ ni Jordan u daken e ted u Arabah ni bay u charen yu Suf, ma bay yu Paran nga baraba’, ma bay yu Tofel, nge yu Laban, nge yu Hazeroth, nge yu Dizahab nga baraba’.

Deuteronomy 29:8

ma gadad fek e binaw rorow ngad f’othed rok e pi ganong rok Ruben nge Gad, nge baley ko ganong rok Manasseh.

Deuteronomy 3:12

“Nap’an nda feked fare nam ni ngad tafned, mu gu pi’ ngak e pi ganong rok Ruben nge Gad fare binaw ni bay nga lel’och ko fachi binaw nu Aroer, u charen fare lul’ ni Arnon, nge bang ko fare gi binaw ni go’ burey u Gilead nib mu’un e pi nochi binaw riy ngay.

Joshua 12:1

Girdi’ nu Israel e ka’ ra gelgad kar tafned fare gi binaw ni bay ko ngek u Jordan, ni tabab ko loway nu Arnon me yan nga talang ko loway ni Jordan me yan i mus ko Burey ni Hermon. Ra gelgad ngak l’agruw e pilung.

Joshua 12:6

Gali pilung ney e gel Moses nge girdi’ nu Israel ngorow. Me Moses ni tapigpig rok SOMOL e pi’ e binaw rorow ngak fapi ganong rok Ruben nge Gad nge ngak baley ko fare ganong rok Manasseh ni ngar tafned.