Numbers 32:23 - Bible Ni Thothup

²³ Ma fa’anra da mu ted u gil’ e n’en ni kam og niged, ma nggog ngomed e chiney ni bay um denengad nib togopluw ngak SOMOL. Dabi maruwar u wun’med; ni yira gechig nagmed ni bochan e denen romed.

Numbers 32:23 Iomraidhean Croise

Genesis 13:13

ma girdi’ ni yad ma par u lan yu Sodom e ba kireb e ngongol rorad, ni aram e yad ma denen nib togopluw ngak SOMOL.

Genesis 4:7

Fa’an mang e mu ngongliy e tin ni bfel’, ma be m’ug u owchem ni gab felfelan’; machane bochan e kam ngongliy e tin nib kireb, ma aram e be son nigem e denen u langan e mab rom ni nge og ngom. Ba’adag ni nge gagiyeg nigem, machane thingar mu gel ngak.”

Genesis 44:16

Me ga’ar Judah, “Dakuriy e n’en ni gamad ra weliy. Uw rogon ni nggu malu’ag thingad ngom? Uw rogon ni nggu micheged nda gu kirebgad? I Got e ke fek e upong u daken e kireb romad. Gamad gubin e chiney ni kug manged e sib rom ma gathi kemus ni en ni ka ni pir’eg fare kap ni bay rok.”

2 Samuel 3:39

Yug aray rogon ni gag e pilung nike mel’egeg Got, ma kug thamiy ni kug me’waer e daba’. Pi pumo’on ney ni pifak Zeruyah e kay gur tharthargad. Mang e yigi gechignag SOMOL e pi girdi’ ni kireb ney nib m’ag nga rogon e kireb rorad!”

1 Kings 2:32

Bayi gechignag SOMOL i Joab ni bochan e mthang pogofan ni i tay, ni i rin’ nda i nang e chitamag i David. I Joab e li’ nge yim’ l’agruw i pumo’on nde buch e rorow ma yow ba manigil boch ngak Joab: Abner, nib ga’ ko salthaw nu Israel, nge Amasa, nib ga’ ko salthaw nu Judah.

1 Kings 2:33

Gechig ni fan ko pogofan rorow nthang e bayi aw ngak Joab nge nga daken e pi’in owchen ni dariy n’umngin nap’an. Machane SOMOL e gubin ngiyal’ ni bayi tay ni pi’in owchen David ngi i par ko pilung.”

Psalms 139:11

Ra gu non ngak e lumor ni nge mithegeg, ara pig e tamilang nib cholngobiyeg nge ngal’ ni nep’,

Psalms 140:11

Mang e yigi dabi fel’ e tin be leamnag e pi’in yad ma t’ar e thin nga daken e girdi’; mang e yigi buch wa’athan e girdi’ nib ma’ngach ko cham nge math owcharad.

Psalms 90:8

Kam tay e denen romad nga p’eowchem, pi denen romad nib mith e ka mu tay ko gin ga ra guy riy.

Proverbs 13:21

Oloboch e ma lek e pi tadenen u gubin yang, machane girdi’ nib mat’aw e ra fel’ wa’athrad ko tin ni bfel’ ban’en.

Proverbs 24:16

Demturug urngin yay nra paraw e girdi’ nib yul’yul’, ma gubin yay ma kuyad ra sak’iy; machane riya’ e ma thang mit e pi’in kireb.

Proverbs 5:22

Pi denen ko pi’in kireb e ba wup. Yad ma aw ngalan e nug ko kireb rorad.

Isaiah 3:11

Machane girdi’ nib kireb e gafgow yad; ya tin ur bucheged rok boch e girdi’ e nge buch rorad e chiney.

Isaiah 59:12

“SOMOL, oloboch romad nib togopluw ngom e bo’or. Denen romad e ke eg nagmad. Go’ gamad manang ni gubin.

Jonah 1:7

Me ga’ar fapi sala, “Ngad girngiyed e pow ngad nanged e cha’ ni nga don’ed e kireb nga daken ko re riya’ ney ni keb ngodad.” Miyad rin’ ni aram rogon, me yan i m’ug ni Jonah.

Roma 2:9

Bay e gafgow nge amith nra yib ngak urngin e pi’in yad be rin’ e tin nib kireb, ni piyu Israel e yad ra m’on nga fini migid e pi’in gathi yad piyu Israel.

1 Korinth 4:5

Ere dab mu turguyed e kireb nga daken be’ u m’on ndawori taw nga nap’an. Bin tomur e pufthin e thangri son nge yan i mada’ ko ngiyal’ ni bayi sul Somol riy ni ba’aray rogon: bayi fek nga tamilang e tin yibe mithag me dag nga tamilang e tin nib mith ni i leamnag e girdi’. Ma aram e ra be’ ni bay rogon ni nge pining Got e sorok ngak ma bayi pining Got e sorok ngak fa’anem.

Joshua 7:18

Ma aram me fek e tabnaw rok Zabdi nreb e pumo’on ma reb nga p’eowchen Got me mel’eg Akan, fare mo’on ni fak Karmi ni fak Zabdi e ni mel’eg.