Numbers 32:14 - Bible Ni Thothup

¹⁴ Ma chiney e gimed e kamun’ed luwan e pi chitamangimed kakrom, ni irera’ e bin be’ech e mfen nike sugnag e girdi’ ni tadenen, ni aram e ngam girngiyed nga daken yu Israel bayay fare damumuw rok SOMOL.

Numbers 32:14 Iomraidhean Croise

Genesis 5:3

Nap’an ni gaman 130 e duw rok Adam, min gargeleg bochi pagel ni fak nib fil ya’an, me tunguy fithingan ni Seth.

Genesis 8:21

Ma fa’ani faray SOMOL bon fare maligach nrib fel’, me ga’ar u wan’, “Dab kug kirebnag wa’athan e but’ bayay ni bochan e ngongol rok e girdi’; gu manang ni ka nap’an ni kabran e girdi’, ma ba kireb e leam rok. Dab kug thang owchen urngin ban’en nib fos bayay, ni bod ni kug rin’ e yaney.

2 Kronicles 28:13

Me ga’ar fa aningeg i mo’on, “Dab mu feked e pi kalbus nir i yib e ngaray! Kad denengad nib togopluw ngak SOMOL, ra gechig nagdad u gelngin e damumuw ni kad k’aringed ngak. Ere chiney e ki gimed ba’adag ni ngakum rin’ed ban’en ngari gel mirin e kireb ngodad.”

Ezra 10:10

Me sak’iy Ezra ni prist ngalang nge non ngorad. I ga’ar, “Gimed e ka mu th’abed e motochiyel rok Got ka mu girngiyed e kireb nga daken yu Israel ni ga’ngin ko mabgol ni ka mu ted e ppin nu bang!

Nehemiah 13:18

Ri irera’ fan ni gechignag Got e pi ga’ romed kakrom nnap’an nni fek e riya’ i yib ngalan e re binaw ney. Ma ke chiney maki gimed be suruy nangki fek Got boch e damumuw rok nga daken yu Israel ni bochane gimed be alitnag e Sabbath.”

BABYOR NI JOB 14:4

Dariy ban’en nib be’ech nrayag ni yib rok ban’en ni bod feni alit e girdi’.

Psalms 78:57

ya ur togopluwgad ma kuyad bod e pi chitamangirad kakrom nde ryul’yul’gad, ni gowa ba gan e gat’ing nib bugbug ni dabyag i pagan’uy ngay.

Isaiah 1:4

Ka mu riya’gad, gimed girdi’en ba nam ni gimed ba sug ko denen ma kam mak’gad nga but’ ko kireb! Ka mu n’iged SOMOL, ni ir fare Got nib thothup nu Israel, ma kam pi’ed keru’med ngak.

Isaiah 57:4

Mini’ e en gimed be moningnag? Mini’ e en gimed be kak’ring gimed e pi sasalap l’ungun nir?

Ezekiel 20:21

“Ma binem e mfen e ku ra togopluwgad ngog. Ku ra th’abed e motochiyel rog nge tin gog nra pi’ e yafos ko en nra fol riy. Ku ra dariyfan naged e Sabbath. Kug fal’eg rogog ni nggu gechig nagrad ngar thamiyed ga’ngin gelngin e damumuw rog, u rom u lan e ted ni desert e nggu thang owcharad riy.

Numbers 32:15

Fa’anra gimed e girdi’ rok Ruben nge Gad e gimed be siyeg ni ngam folgad rok SOMOL e chiney, ma bay i n’ag bayay urngin e pi girdi’ ney u roy u daken e ted, ma gimed tapgin e riya’ ni nge aw ngorad.”

Luke 11:48

Gimed ma kam micheged ko ngongol romed ni bfel’ u wun’med e n’en ni rin’ e pi chitamangimed; ni bochan e ra thanged e fan rok e pi profet, ma kam ngongliyed e malang rorad.

Deuteronomy 9:24

N’umngin nap’an ni kug nangmed, e gimed be par ni gimed be togopluw ngak SOMOL.