Numbers 32:13 - Bible Ni Thothup

¹³ I SOMOL e par nib damumuw ko girdi’ me digeyrad ngu’ur derawgad u daken e ted ni aningeg i ragag e duw nge taw ko ngiyal’ nike yim’ gathon fare mfen ni ur kireb naged lanyan’ SOMOL.

Numbers 32:13 Iomraidhean Croise

Psalms 107:4

Boch i gimed e uranod u daken e ted i yan ndariy e kanawo’ riy, ma dar pir’eged wo’rad ngalan reb e binaw ni ngar pired riy;

Psalms 78:33

Aram me museg e rran rorad ni gowa bbuwchuth i nifeng ngarm’ad nib tomgin.

Psalms 95:10

Aningeg i ragag e duw nri gu dabuy e ngongol rok e pi girdi’ nem; i lungug, ‘Ri darir yul’yul’gad! Ya ra siyegged ni ngar rin’ed e tin ni kugog ngorad ni ngar rin’ed.’

Exodus 16:35

Piyu Israel e ra ked e manna ni aningeg i ragag e duw nge yan i mada’ ko ngiyal’ nra tawgad ko nam nu Kanaan, ni aram e gin nra pired riy. (

Amos 2:10

I gag e gu fakmed e girdi’ rog nga wuru’ yu Egypt, mu gu pow’iymed u daken e ted i yan ni aningeg i ragag e duw, mu gu pi’ ngomed e binaw rok e piyu Amor ni ngam tafned.

Amos 2:9

“Ni yugu aram rogon ni gag e gu li’ e yu Amor ni bochrad, ni bogi pumo’on ni bod feni n’un’uw e gek’iy ni cedar, ma yad bod feni gel e gek’iy ni oak. Go’ gu li’rad ngarm’ad.

Numbers 14:32

Gimed e bay mm’ad u roy u daken e ted.

1 Korinth 10:5

Machane yugu aram rogon ma oren i yad e dar fel’gad u wan’ Got, ma aram fan ni ur m’ad nge wear dowrad u daken e ted i yan.

Deuteronomy 2:7

“Ngu’um leam niged rogon nike tow’ath nagmed SOMOL ni Got romed u gubin ban’en ni kam ngongliyed. Ke ayuwegmed u n’umngin nap’an ni kam derawgad u lan e regi ted ney ni desert. De pagmed u lan e re aningeg i ragag i duw ney, go’ i yag ngomed e tin nib t’uf romed.

Judges 2:14

Mri damumuw SOMOL ngak piyu Israel me pag ngan giliw nagrad ngan fek e tirorad ban’en. Me pag e to’ogor rok piyu Israel u to’obrad i yan ngar gelgad ngorad, ma dakiyag rok piyu Israel ni ngar ayuweged yad.

Judges 2:20

Mri damumuw SOMOL ngak piyu Israel, me ga’ar, “Re nam ney e kar th’abed fare m’ag ni gu ta’chiylen ngak e pi chitamangirad kakrom ni ngu’ur ted u gil’. Bochan e darir folgad rog,