Numbers 31:41 - Bible Ni Thothup

⁴¹ Ere pi’ Moses ngak Eleazar fare tax nib mel’eg ni f’oth ku SOMOL, aram rogon ni yog SOMOL.

Numbers 31:41 Iomraidhean Croise

Exodus 12:28

Me yan piyu Israel miyad fol riy; ya ra ngongliyed e tin nike yog SOMOL ngak Moses nge Aron.

Numbers 18:19

“Gubin e tin nib mal’eag e f’oth ni be pi’ yu Israel ngog e go’ kug pi’ ngom nge pifakam ni pumo’on nge ppin. Ku gu micheg e ran’ey ngom nge pi’in ni owchem, ni dabi thil bi’id.”

Numbers 18:8

Me ga’ar SOMOL ngak Aron, “Dabi m’ay u wun’um ni gu be pi’ ngom urngin e tin nib mal’eag ni kan pi’ ngog ni dan urfiy ni maligach. Ku gu pi’ ngom nge ngak e pi’in owchem ni ireram e gin f’oth romed ni nge par ni dariy n’umngin nap’an.

Numbers 31:42

Bin f’oth rok e ulung nu Israel e ta’reb oren ko birok e salthaw: 337,500 e saf nge kaming, 36,000 e garbaw, 30,500 e dongki, ma 16,000 e ppin ni dawor i nang e pumo’on.

Numbers 5:10

Ra reb e prist ma nge par rok e pi maligach ni kan pi’ ngak.

Numbers 5:9

Ma ku gubin e pi f’oth nib mal’eag ni be pi’ e girdi’ nu Israel ngak SOMOL e bmilfan ngak fare prist ni ir e kar pi’ed ngak.

Matthew 10:10

dab mu feked ba tutuw nma fek e pi’in nma man ban’en ko re milekag ney, fa reb e kenggin e mad ni ngam thiliyeged ko bin ni bay u dakenmed, fa reb e sus, fa ba ley i sog. Ya en ni girdi’en e maruwel e susun e ngan pi’ ngak e tin ni nge yag ngak.

Galatia 6:6

Cha’ ni kan fil murung’agen Kristus ngak e susun e nge pi’ boch urngin e tin ni bfel’ ni bay rok ngak e cha’ ni ir e machibnag e re thin nem ngak.

1 Timothy 5:17

Pi’in pi’ilal ko galesiya ni bfel’ e maruwel ni yad be tay ni aram e yad be gagiyegnag girdi’en e galesiya e susun e ngan tafinaynag ni bay rogorad ni nge bagayad min pi’ puluwon nike l’agruw yay, ni ba ga’ ni pi’in nrib gel e machib ni yad be tay nge thin rok Got ni yad be fil ngak e girdi’.