Numbers 31:3 - Bible Ni Thothup

³ Ma aram me ga’ar Moses ngak e girdi’, “Mu fal’eged rogomed ko mael, ya nge yag nim chamgad ko Midian ni gechig rorad ko n’en nrin’ed ngak SOMOL.

Numbers 31:3 Iomraidhean Croise

2 Kings 10:30

Me ga’ar SOMOL ngak Jehu, “Ka mu rin’ gubin e tin gub adag ni ngam rin’ ngak e pi’in owchen Ahab. Ere gu be micheg ngom ni pi’in owchem nge mada’ ko bin ni aningeg e mfen e bay ur manged pilung u Israel.”

2 Kings 9:7

Gur e ngam li’ nge yim’ fare masta rom ni fare pilung, fare mo’on ni fak Ahab, ya nggu gechignag Jezebel ni bochan e ke thang e fan rok e pi profet rog nge ku boch e pi tapigpig rog.

Exodus 17:16

Me ga’ar, “Ngan tining ngalang e flak rok SOMOL! Ya SOMOL e bayi cham ngak yu Amalek u reb e mfen ngu reb.”

Jeremiah 46:10

Irera’ e rran rok SOMOL ni Th’abi Tolang ma Gubin ma Rayag Rok: daba’ e nge fulweg taban e kireb; daba’ e nge gechignag e pi to’ogor rok. Saydon rok e nge longuyrad nge taw ko ngiyal’ nike fos, me unum e racha’ rorad nge taw ko ngiyal’ nike chum’er. Daba’ e En Gubin ma Rayag Rok e nge pi’ ni maligach gubin e pi’in ke gel ngorad u lan e lel’och u charen e lul’ ni Eufrates.

Jeremiah 50:28

Girdi’ ni kar milgad u Babylon karbad nga Jerusalem, yad be weliy rogon SOMOL ni Got rodad e ke falbiyen e tin ke rin’ yu Babylon ko Tempel rok.)

Levitikus 26:25

Bay gu pag e mael nge yib ngomed ni nge gechig nagmed ya kam th’abed fare m’ag u thildad, ma fa’an gimed ra mukun ngalan e pi binaw romed ni fan e nge dabi buch ban’en romed, ma bay gu pi’ e m’ar ndariy falayyin nge yib nga fithik’med, ma bay mpired nike math e liyeb ngomed mi gimed m’ing ngak e to’ogor romed.

Numbers 25:11

“Bochan e n’en nike rin’ Finehas, ma kem’aynag e damumuw rog ngak e girdi’ nu Israel. Ya deyag rok ni k’adan’ ko tayfan ni yibe tay ngak yug reb e got ni gathi gag, aramfan ni da gu thang owcharad u fithik’ e damumuw rog.

Numbers 25:13

Ni ir nge pi’in bay yib ni owchen e ke duwgil ni yad e prist ndariy n’umngin nap’an, ni bochan e de k’adan’ ko togopluw ni yibe tay ngog, ni aram fan ni kan n’agfan e denen ko girdi’.”

Numbers 31:4

Ra reb e ganong nu Israel ma nge pi’ reb e 1,000 riy nge yan ko mael.”

Judges 5:2

Ke sorok SOMOL! Ya turguy piyu Israel u lanin’rad ni ngranod ko mael; ra be’ me ognag ir ni nge un ko mael nib felan’ ngay!

Judges 5:23

Be ga’ar fare engel rok SOMOL, “Mu bucheg wa’athan yu Meroz, mu bucheg wa’athan, mu bucheg wa’athan e pi’in yad be par u rom. Ya darbad ni ngar ayuweged SOMOL, ni ngarbad nrogon e salthaw ngar chamgad ni fan ngak.”