Numbers 31:11 - Bible Ni Thothup

¹¹ Miyad fek urngin e chugom, nib mu’un e pi’in kalbus ngay nge gamanman,

Numbers 31:11 Iomraidhean Croise

Genesis 34:29

Mar feked urngin e tin nib fafalel’ ban’en, nge urngin e ppin nge bitir, miyad fek u yargal urngin e tin bay u naun.

Numbers 31:10

miyad urfiy gubin e binaw nge Tent rorad.

Numbers 31:12

ngar feked i yan ngak Moses nge Eleazar nge girdi’en yu Israel, ni yad bay ko tafel’fel’ u Moab u puluwon yu Jeriko nga barba e lul’ u Jordan.

Deuteronomy 20:14

Ma aram, e rayag ni ngam feked e pi’in ppin riy ni nge milfan ngomed, nge pi’in bitir, nge gamanman, nge gubin e tin kabay u lan fare binaw. Rayag ni ngam faned urngin e tin fen e to’ogor romed ko re binaw nem nike pi’ SOMOL ni Got romed ngomed.

Joshua 11:14

Girdi’ nu Israel e ra feked urngin e pin’en nib tolang puluwon nge gamanman u lan e pi binaw ney ngar cha’riyed ni nge milfan ngorad. Machane miyad thang e pogofan rok gubin e girdi’; ni dariy be’ nra paged nib fos.

Joshua 6:19

Ma urngin ban’en nni ngongliy ko silber, nge gol, nge bronze, nge wasey e ngan tay ni fan ngak SOMOL, ngan tay ngalan e tamachibgil rok SOMOL.”

Joshua 8:2

Ma tin ngam rin’ nga Ai nge pilung riy e bod ni mu rin’ nga Jeriko nge pilung riy, machane yaney e ngam ayweg e tin ngam fek u tan e mael nge gamanman nge milfan ngom. Are mu fal’eg rogom ngam cham ko fare binaw nib tomgin u keru’rad ni ngar gin gad ngay.”