Numbers 30:2 - Bible Ni Thothup

² Nap’an nra mow be’ ni ognag ban’en ni nge pi’ ngak SOMOL fa micheg ni nge taleg ir u ban’en, ma thangri dabi pag e n’en nike micheg, ma thangri rin’ urngin e tin ni yog ni nge rin’.

Numbers 30:2 Iomraidhean Croise

BABYOR NI JOB 22:27

Nap’an ni ga ra meybil me fulweg taban, ma ga tay nga tagil’ e tin mmicheg ngak ni ga ra rin’.

Psalms 116:14

u lan e mu’ulung rok urngin e tirok e girdi’ e bay gu pi’ ngak riy e tin gu micheg.

Psalms 116:18

Bay gu pi’ e tin gu ognag ngak SOMOL u p’eowchen gubin e girdi’ rok,

Psalms 119:106

Bay gu tay nga tagil’ e tin ku gu micheg ni ngu’ug fol ko pi fonow rom nrib mat’aw.

Psalms 15:3

ma darir t’ared e thin nga daken e girdi’. Pichaney e darir rin’ed ban’en ni ba kireb ko pi fager rorad, ma darir thibthib niged e pi’in yad bbuguliyoror.

Psalms 22:25

Ra sug e girdi’ ngalan tafen e mu’ulung ma gu ra pining e sorok ngom ko tin kam rin’; ma fithik’ e pi’in yad ma liyor ngom e bay gu pi’ e pi maligach riy ni bod rogon ni gu micheg.

Psalms 50:14

Ogmagaer e nge mang maligach romed ngak Got, mu pi’ed ngak e en ni Gubin ma Rayag Rok gubin e tin ni kam og niged.

Psalms 55:20

En immoy nri gamow e ke cham ngak pi fager rok; ke thilyeg e tin ni micheg.

Psalms 56:12

A Got, bay gu pi’ ngom e n’en ni kug micheg; bay gu pi’ ngom e maligach rog ni ogmagaer,

Psalms 76:11

Mu pi’ed ngak SOMOL ni Got romed e tin kam micheged ngak; gimed gubin e pi nam ni gimed ba chugur, mu feked e tow’ath romed i yib ngak. Got e ma gagiyegnag e girdi’ ngar rusgad ngak;

Exodus 20:7

“Dab i un fithingag u l’ugunmed ni yugu dariy fan, I gag fare SOMOL ni Got romed, e gu ra gechignag e pi aromed ni be dariy fannag fithingag.

Proverbs 20:25

Ngam fal’eg i tafnenag u m’on ni ngam ognag ban’en ngak Got. Ya richey mag kalngan’um riy ta’boch.

Levitikus 5:4

Fa’anra gurgur be’ nge micheg ban’en, nde leam ni bfel’ rogon ndemturug ko mang, ma yug nap’an e ra nang e n’en ke rin’, ma ke buch e rok.

Nahum 1:15

Mu changar, ke yib bmal’og u daken e pi burey nike fek e thin ni bfel’! Ke yib ni nge weliy murung’agen e gapas! Gimed e girdi’ nu Judah, mmadnom niged e pi madnom romed ngam pi’ed ngak Got e n’en ni mu og niged ngak. Pi to’ogor e dakriy bi’id ni ku yad ra cham u lan tafenmed bayay. Ya yad gubin ni kan thang owcharad.

Numbers 21:2

Me micheg piyu Israel bbugithin ngak SOMOL ni lungurad, “Fa’an ga ra pi’ e pi girdi’ ney nga pa’mad ma ri gamad ra gathey e pi binaw rorad.”

Numbers 30:10

Ma fa’anra be’ ni bpin nib mabgol nike ognag ban’en ni nge rin’ fa ke micheg ni nge taleg ir u ban’en ni dabki rin’,

Numbers 32:24

Ere mu fal’egged e pi binaw romed nge pi chumol ko saf romed, machane ngam rin’ed e n’en ni kam og naged ni ngam rin’ed.”

Matthew 23:16

“Kari mu gafgowgad e pi malmit nir ni gimed be pow’iy e girdi’! Gimed be machibnag ni be lungumed, ‘Fa’anra micheg be’ ban’en nga fithingan e Tempel ma dariyfan ni nge rin’ fa pin’em nike micheg; machane fa’anra micheg ban’en nga fithingan e gol ni bay u Tempel, ma thangri rin’ fare n’em.’

Matthew 23:18

Ma kigimed be machibnag ni be lungumed, ‘Fa’anra micheg be’ ban’en u fithingan e altar ma dariyfan ni nge rin’ e n’en keyog; machane fa’anra micheg u fithingan e n’en ni kan tay nga daken e altar ni kan pi’ ngak Got, ma aram e thangri rin’ fa pin’em nike yog.’

Acts 23:12

Me reb e rran riy ni kakadbul me mu’ulung piyu Israel ngar turguyed e n’en ni ngar rin’ed. Miyad ognag u mit Got ndab ra ked ban’en ara ra garbodgad nge mada’ ko ngiyal’ ni kar thanged e fan rok Paul.

Acts 23:14

Ma aram miyad yan ngak e pi tolang ko prist nge pi’in pi’ilal ko galesiya me lungurad, “Kug og niged u mit Got ndab gu wed ban’en nge mada’ ko ngiyal’ ni gamad ra thang e fan rok Paul riy.

Acts 23:21

Machane dab mu telim ngorad, ya ba pag e aningeg i ragag e pumo’on ni bay ra mithgad ngu’ur son niged, ya kar og niged u mit Got ndab ra ked ban’en ara ra garbodgad nge mada’ ko ngiyal’ ni kar thanged e fan rok riy. Chiney e kar fal’eged rogorad ni ngar rin’ed, ma yad be sonnag e n’en ni bay mu turguy.”

2 Korinth 1:23

Gu be yog e re bugithin ney u p’eowchen Got — ye ir e manang lanin’ug! Gu duwgiliy ndab ku gub nga Korinth ni fan e nge dab gu kirebnag an’med ko puwan’ ni gu ra tay ngomed.

Judges 11:11

Ma aram me un Jefthah ngak fapi tayugang’ nu Gilead, me tay fapi girdi’ Jefthah ni ir e ngi i yog e thin rorad me ir e ngi i gafaliyrad. I weliy Jefthah e pi thin rok ney u Mizpah u p’eowchen SOMOL.

Judges 11:39

Tomuren fa gal pul me sul ngak e chitamngin. Me rin’ e chitamngin e n’en nike micheg ngak SOMOL, me yim’ fachi pin ni dawori nang e pumo’on. Ma aram me par nike mang ba yalen u lan yu Israel