Numbers 3:45 - Bible Ni Thothup

⁴⁵ “Aram e ngam yiblay ngam pi’ e pi Levite ni nge milsuwrad ngog ni ngranod nga luwan urngin e tin nganni’ e pumo’on ni pifak yu Israel, mu kum ognag fa ran’ i gamanman ko Levite ni nge yin’ luwan e tin nganni’ e gamanman rok yu Israel.

Numbers 3:45 Iomraidhean Croise

Exodus 34:20

machane thingar mu chuw’iy e bin nganni’ i pifak e dongki rom ni ba saf e nge yan nga luwan ngan pi’ ni maligach, ma fa’anra dab mu chuw’iy nge sul ngom, ma thingar mu t’ar k’angan. Thingar mu chuw’iy nge sul ngom urngin e tin nganni’ e bitir ni pumo’on ni fakam. “Dariy be’ ni nge yib nga p’eowcheg ndabi pi’ ban’en.

Malaki 2:4

Ma aram e bay mu nanged ni gag e kugog e re bugithin ney, ya nge par fare m’ag romad e pi prist, ni aram e pi’in owchen Levi ni dabi math’.

Numbers 18:6

I gag e en ni kug mel’eg girdi’em ni pi Levite u fithik’ piyu Israel ni nge mang ba tow’ath ngom. Kan og nagrad ngog, ni aram e rayag ni ngar marwuliyed e maruwel rorad u lan fare Tent.

Numbers 3:12

“Fa pi Levite e ke milfarad ngog e chiney. Nap’an nug thang e fan rok urngin e tin nganni’ u pifak yu Egypt, mug tabgul nagrad nike milfan ngog e tin nganni’ i pifak yu Israel ni pumo’on ko pi tabnaw i yan nge tin nganni’ u pifak e gamanman. Ma chiney e ke yan e ganong rok Levi nga luwan e tin nib nganni’ u pifak yu Israel ni pumo’on; bay ra pired nib milfarad ngog. I Gag SOMOL.”

Numbers 3:44

Me ga’ar SOMOL ngak Moses,

Numbers 8:16

Kug mel’agrad ni ngar yin’ed luwan urngin e tin ba nganni’ e pumo’on ni pifak yu Israel, ma kemus ni gag e bmilfarad ngog.