Numbers 3:38 - Bible Ni Thothup

³⁸ I Moses nge Aron nge fa pimo’on ni pifak e ngu’ur n’ufed e pi Tent rorad nga mit fare Tent u ley ni ngek. Yad e bmilfan ngorad ngonglen e pigpig u lan e Gin nib Thothup ni fan ngak e girdi’ nu Israel. Ma yug be’ ni nge guy rogon nge rin’ e pi maruwel ney e yira thang e fan rok.

Numbers 3:38 Iomraidhean Croise

1 Kronicles 23:32

Yad e ni pagfan ngorad fare Tent rok SOMOL nge fare Tempel ni ngu’ur ayuweged, ma ku yad be ayuweg e girdi’ rorad ni pi prist ni pi’in owchen Aron, ko liyor u Tempel.

Numbers 1:51

Gubin ngiyal’ ni gimed ra deg ni ngam marod, ma pi Levite e yad e ngar piliged nga but’ fare Tent ma ku yad e yad ra n’uf ngalang bayay ko gin ni kam turguyed ni aram e gin ngam pired riy e ngiyal’nem. Ma yug be’ ni nge chugur nga charen fare Tent e yira thang e fan rok.

Numbers 1:53

Machane pi girdi’ ko ganong rok Levi e yad ra n’uf e pi Tent rorad nib liyeg fare Tent rog ngu’ur matnagiyed, ya nge dabi chugur yug be’ ngay ya ri mang tapgin e damumuw rog ni nge aw ngak yu Israel ni ga’ngin.”

Numbers 2:3

Ba’ ni ngek ko fare Tent, e nge n’uf e ba’ rok Judah e girdi’ e pi Tent rorad riy u tan e gi rorad e flak, u tan lungun e en mitethin, ni bod ni ba’aray: Ganong Mitethin Urngin e girdi’ Judah Nahshon nib mo’on ni fak Amminadab 74,600 Issakar Nethanel nib mo’on ni fak Zuar 54,400 Zebulun Eliab nib mo’on ni fak Helon 57,400 Urnginrad u gubin: 186,400 Ba’ rok Judah e girdi’ e yad e ngar m’oned.

Numbers 3:10

Thingar mmel’eg Aron nge pifak ni pumo’on ni ngu’ur rin’ed e maruwel ko prist; ma yug be’ ni nge guy rogon ngki rin’ e pi maruwel ney e yira thang e fan rok.”

Numbers 3:23

Re ke girdi’ ney e ngu’ur n’ufed e pi Tent rorad u ley ni ngal ko fare Tent.

Numbers 3:29

Re ke girdi’ ney e ngu’ur n’ufed e pi Tent rorad u ba’ ni yimuch ko fare Tent,

Numbers 3:35

Re ke girdi’ ney e ngu’ur n’ufed e pi Tent rorad u ba’ ni lel’och ko fare Tent, ni Zuriel nib mo’on ni fak Abihail e ir e mitethin ko ra ke girdi’ ney.

Numbers 3:37

Ma ku yad e ngki milfan ngorad e yuley i rumog, nge pi ta’ riy, nge pi yuluy riy u but’, nge pi tal ni fen e ba’ ni wuru’ e yoror.