Numbers 28:6 - Bible Ni Thothup

⁶ Irera’ e maligach ni gubin e rran ni kan mu’ i urfiy, ni som’on e ni pi’ ko Burey nu Sinai nib maligach ni ggan, ni bfel’ bon u wan’ SOMOL.

Numbers 28:6 Iomraidhean Croise

2 Kronicles 2:4

Nggu toy ba tempel ni nggu meybil ngak SOMOL ni Got rog riy. Bayi par ni bangi ban’en nib thothup ni tirog e girdi’ nge gag e bay ug liyorgad ngak riy ngu’ug urfiyed e incense nge spice riy, ma ku ireram e gin bay ug pi’ed e maligach riy ni flowa nib tabgul ngak SOMOL ni gubin ngiyal’, ma ku aram e gin bay ug pi’ed e pi maligach ni mo’oruf riy ni gubin e kadbul nge blayal’, ma ku errogon ko pi Sabbath, nge pi Madnom ko M’ug e Pul, nge ku boch e rran nib thothup ni yima liyor ngak SOMOL ni Got romad riy. Ke ta’chiylen ngak yu Israel ni ngu’ur rin’ed e ren’ey ni dariy n’umngin nap’an.

2 Kronicles 31:3

Mu fithik’ e yu ran’ i gamanman rok ni saf nge garbaw e i fek e en pilung e pi gamanman riy ni fan ko maligach ni mo’oruf ni gubin e kadbul nge blayal’, nge tin yima pi’ ko rofen ni Sabbath, nge tin yima pi’ ko fare Madnom ko M’ug e Pul, nge tin kabay e madnom ni kandugliy u lan e motochiyel rok SOMOL.

Ezra 3:4

Miyad madnomnag fare Madnom ko Nochi Naun ni bod ni bay ko motochiyel, mra reb e rran miyad pi’ e pi gamanman ni maligach ni bod nike yog e motochiyel.

Psalms 50:8

Dagur puwan’ ngomed ni bochan e pi maligach romed nge pi maligach ni mo’oruf ni gimed be fek i yib ngog ni gubin ngiyal’.

Exodus 24:18

Me yan Moses ngalang ko fare burey nge chuw nga fithik’ fare gi manileng. Me par u rom ni aningeg i ragag e rran nge nep’.

Exodus 31:18

Fa’ani mu’ SOMOL ko welthin ngak Moses u daken e burey ni Sinai, me pi’ ngak fa gal yang i malang ni fa’an ni yoloy Got fapi motochiyel nga daken.

Ezekiel 46:14

Ku yira ngongliy lal e pawn e flour ni maligach ni gubin e kabul, nib dachug ta’reb e quart e gapgep ni olive ngay ni ngan aruy ko flour. Yalen e re maligach ney ngak SOMOL e nge par u gil’ ni dariy n’umngin nap’an.

Ezekiel 46:15

Fare fak e saf, nge fapi flour, nge gapgep ni olive e ngu’un maligachnag ngak SOMOL ni gubin e kadbul ni dariy n’umngin nap’an.”

Levitikus 27:34

Irera’ e tin ni yog SOMOL ngak Moses u daken e Burey ni Sinai ni fan ngak e girdi’ nu Israel.

Levitikus 6:9

ni nge pi’ ngak Aron nge pi pumo’on ni pifak e pi gafal ni ba’aray ni murung’agen e maligach ni mo’oruf. Ba maligach ni mo’oruf e ngan pag u daken e altar nib polo’ e n’ep ndabi math e nifiy riy.

Amos 5:25

“Gimed e girdi’ nu Israel, da gu tay chiylen ngomed ni ngu’um pi’ed e maligach ni gamanman nge ku boch ban’en ngog u nap’an fa aningeg i ragag e duw ni fa’an u gu pow’iymed u daken e ted.

Numbers 28:5

ra reb ma bmu’un e maligach ni grain ngay ni l’agruw e pawn e flour, ni kan athkuy nga l’agruw e pint e gapgep ni olive nth’abi fel’.

Numbers 28:7

Ma fare wayin ni maligach nib mu’un ko bin som’on e saf, e ngan pu’og l’agruw e pint riy ko fare altar.

Filippi 2:17

Racha’eg e sana bay ni pu’og nga daken e maligach ni be pi’ e michan’ romed ngak Got ni ngan pu’og nga daken ni bod ban’en ni kan pi’ ngak Got. Fa’anra nge yan i yodorom, me ere kug felan’, ma ngam uned ngog ni gimed gubin ko felfelan’.