Numbers 28:3 - Bible Ni Thothup

³ Irera’ e pi maligach ni ggan ni ngan pi’ ngak SOMOL: maligach ni mo’oruf ni gubin e rran, e l’agruw e saf ni pumo’on ni ta’reb e duw rorow ni dariy bang u dowrow nib kireb.

Numbers 28:3 Iomraidhean Croise

1 Kronicles 16:40

Gubin e kadbul nge blayal’ ma yad ma urfiy e maligach ni gamanman nik yu reb u daken fare altar ni rogon ni kan yoloy ngalan fare Motochiyel nike pi’ SOMOL ngak yu Israel.

2 Kronicles 8:13

I pi’ e pi maligach ni mo’oruf nrogon ni bay ko Motochiyel rok Moses ni fan ko yu rran nib thothup: pi Sabbath, nge pi Madnom ko M’ug e Pul, nge fa dalip i madnom ni gubin e duw — fare Madnom ko Flowa Ndariy e Is Riy, nge Madnom ko T’ar Wom’ngin e Woldug, nge fare Madnom ko Nochi Naun.

Ezra 3:5

Ma ku yad be pi’ e pi gamanman ni maligach ni ngan urfiy ni yu reb, nge gamanman ni ngan pi’ ni maligach ko Madnom ko M’ug e Pul, nge urngin e pi mu’ulung ni yima tay ngu’un tayfan SOMOL ma yibe meybil ngak, nge pin’en ni yad ma pi’ ngak SOMOL ni yad e leam rorad.

Daniel 11:31

Boch e salthaw rok e bay ra ta’ay niged fare Tempel. Bay ra taleged e maligach ni yu rran miyad suweg ngalang Fare N’en ni Th’abi Dabuy

Daniel 12:11

“Ngiyal’ ni ba’aram ni bay rtalgad ndab kur pi’ed e maligach ni yu rran, ni aram fa ngiyal’ ni ngan tay fare N’en ni Th’abi Dabuy nga tagil’, e 1,290 e rran ni bay yib nga tomuren.

Daniel 8:11

I mus ngak fak e Pilung rok fa raba’ i salthaw nu tharmiy niki togopluw ngak, ni taleg e pi maligach ni yu rran ni yima pi’ ngak, me kirebnag e Tempel rok.

Daniel 8:13

Mu gu rung’ag laman ba engel ni fith ngak yugu reb e engel ni be ga’ar, “Uw n’umngin nap’an ni bayi par e pin’en ni ba’aray nike pilyeg e changar kan guy? Uw n’umngin nap’an nra par fare denen ni ubchiya’ u luwan e pi maligach ni yu rran? Uw n’umngin nap’an ni yira yot’yot’ fa raba’ i salthaw nu tharmiy nge fare Tempel nga but’?”

Levitikus 3:5

Ma boch fapi prist e ngar urfiyed urngin e pin’ey u daken fare altar nib mu’un ko fapi maligach ni mo’oruf. Ma bon e re maligach ni ggan ney e rib fel’ u wan’ SOMOL.

Levitikus 6:9

ni nge pi’ ngak Aron nge pi pumo’on ni pifak e pi gafal ni ba’aray ni murung’agen e maligach ni mo’oruf. Ba maligach ni mo’oruf e ngan pag u daken e altar nib polo’ e n’ep ndabi math e nifiy riy.

Amos 4:4

I SOMOL ni Th’abi Tolang e be ga’ar, “Gimed e girdi’ nu Israel, fa’anra thingar mu denen gad, me’ere mmarod ngam denen gad ko fa gin ba thothup u Bethel! Marod nga Gilgal, ngam rin’ed e ngongol nib denen ngari musmus rogomed riy! Mu feked e gamanman i yib ni ngam pi’ed ni maligach u reb e kadbul ngu reb, mi gimed fek ta’ab guruy ko ragag guruy e tin bay romed ni yu duk’uf.

Numbers 28:10

Re maligach ney ni mo’oruf e ngan pi’ ko urngin e Sabbath nib dachug ko maligach ni yu rran nge maligach ni wayin ni yagagen.

Numbers 28:15

Ma gin nib dachug ko fare maligach ni mo’oruf u gubin e rran nge maligach ni wayin riy, e ngan pi’ reb e kaming ni pumo’on ni maligach ko denen.

Numbers 28:23

Ngan pi’ e pin’ey ni bang ko fare maligach ni mo’oruf ni yima pi’ ni kadbul.

Numbers 28:24

Ni ku aram rogon ni ngan pi’ ni medlip e rran ba ggan ni maligach ngak SOMOL, nib m’ag u wan’ bon. Ngan pi’ e biney ni bang ko fare maligach ni mo’oruf ni yu rran nge fare maligach ni wayin.

Numbers 28:31

Ngan pi’ e pin’ey nge fare wayin ni maligach nib dachug ko fare maligach ni mo’oruf ni gubin e rran nge maligach ni grain.

Numbers 28:4

Ngan pi’ e bin som’on riy ni kadbul, min pi’ e bin migid ni blayal’,

Numbers 29:11

Ma ku yira pi’ reb e kaming ni pumo’on ni maligach ko denen, ni ba dachug ko fare kaming nni pi’ ni bangbengin e machalbog ni nge tay e girdi’, nge fare maligach ni mo’oruf ni gubin e rran nge fare maligach ni grain riy nge maligach ni wayin.

Numbers 29:16

Ma ku yira pi reb e kaming ni pumo’on ni fen e maligach ko denen. Mu pi’ed e pin’ey nib dachug ko fare maligach ni mo’oruf ni gubin e rran nge maligach ni grain riy nge maligach ni wayin.

Numbers 29:6

Ngan pi e pin’ey ni bang ko fare maligach ni mo’oruf ni yu rran ko bin som’on e rran ko pul nib mu’un e grain ni yigagen ngay, nge fare maligach ni mo’oruf ni gubin e rran nge yigagen ni grain nge wayin. Pi ggan ney ni maligach e bfel’ bon u wan’ SOMOL.

John 1:29

Me reb e rran riy me guy John Jesus ni be yib i yib ngak me ga’ar John, “Ba’aram fare Fak e Saf rok Got ni ir e nge chuweg e denen rok e girdi’ nu fayleng!

Hebrews 9:6

Fa’ani m’ay i duwgiliy e pin’ey, ma aram mi i yan e pi prist ngalan e bin ngam’on e senggil ko tent ni gubin e rran ngu’ur ngongliyed e maruwel ni kan pi’ ngorad;

Revelation 13:8

Ma urngin e girdi’ ni yad be par u daken e fayleng ni bay ra siro’gad ngak ma yad be meybil ngak, ni aram e gubin e girdi’ ndawor ni yoloy fithingrad ko ngiyal’ ndawori sum e fayleng riy ngalan fare babyoren e pi’in ni kar fosgad, ni fare babyor nib mil suwon ngak fare Fak e Saf ni fa’an nli’ ngem’.