Numbers 28:24 - Bible Ni Thothup

²⁴ Ni ku aram rogon ni ngan pi’ ni medlip e rran ba ggan ni maligach ngak SOMOL, nib m’ag u wan’ bon. Ngan pi’ e biney ni bang ko fare maligach ni mo’oruf ni yu rran nge fare maligach ni wayin.

Numbers 28:24 Iomraidhean Croise

Exodus 29:40

Bin som’on ko gali fak e saf ni ngan pi’ ni maligach e yira chagiy l’agruw e pawn e flour ni wheat ni kan athkuy ta’reb e quart e gapgep ni olive ngay. Ma ga pu’og ta’reb e quart e wayin nga but’ ni aram e kan ognag ngog.

Ezekiel 45:23

Mra reb fapi medlip e rran ko fare madnom ma nge maligachnag ngak SOMOL medlip e garbaw ni pumo’on nge medlip e saf ni pumo’on ni dariy bang u dowrad nib kireb ni ngan urfiy e pi gamanman nem nib polo’. Ma ngki pi’ reb e kaming ni pumo’on ni maligach u gubin fapi rran ni maligach ko denen.

Levitikus 3:11

Ma fare prist ni be pigpig e ngiyal’nem e nge urfiy e yungi n’ey ni gubin u daken fare altar ni ba ggan ni maligach ngak SOMOL.

Numbers 28:3

Irera’ e pi maligach ni ggan ni ngan pi’ ngak SOMOL: maligach ni mo’oruf ni gubin e rran, e l’agruw e saf ni pumo’on ni ta’reb e duw rorow ni dariy bang u dowrow nib kireb.

Hebrews 10:11

Ra reb e prist rok piyu Israel mma sak’iy ngalang ngi i ngongliy e maruwel rok ni gubin e rran, ni ta’ab mit i maligach e be pi’ ni pire’ yay. Machane pi maligach nem e ri dabiyag ni nge chuweg e denen.