Numbers 28:14 - Bible Ni Thothup

¹⁴ Bin rogon fare wayin ni maligach e aningeg e pint e wayin nga reb fa gali garbaw ni pumo’on, ma dalip pint ko fare saf ni pumo’on, ma l’agruw e pint nga reb fapi saf ni kab bitir. Irera’ e gafal ni fen fare maligach ni mo’oruf ko bin som’on e rran u gubin e pul u lan reb e duw.

Numbers 28:14 Iomraidhean Croise

Ezra 3:5

Ma ku yad be pi’ e pi gamanman ni maligach ni ngan urfiy ni yu reb, nge gamanman ni ngan pi’ ni maligach ko Madnom ko M’ug e Pul, nge urngin e pi mu’ulung ni yima tay ngu’un tayfan SOMOL ma yibe meybil ngak, nge pin’en ni yad ma pi’ ngak SOMOL ni yad e leam rorad.

Isaiah 1:13

Dariy gam’ingin e pin’en ni gimed be pi’ ngog. Kar gu dabuy bon e incense ni gimed be urfiy. Dabkiyag ni gu kadan’ug ko pi Madnom ko M’ug e Pul, nge pi Sabbath romed, nge pi mu’ulung ni gimed be tay ni fan ngog; urngin nike kireb ni bochan e denen romed.

Jeremiah 48:35

Bay gu taleg e girdi’ nu Moab ndab kur ngongliyed e maligach ni mo’oruf ko yung i tagil e meybil rorad nge maligach ni yad ma pi’ ko pi got rorad. I Gag SOMOL e kugog e pi thin ney.

Ezekiel 46:4

Rofen ni Sabbath e fare pagel ni fak e pilung e nge fek i yan ku SOMOL e pi maligach ni ngan urfiy nib polo’, ni nel’ i fak e saf nge reb nib pumo’on i yib ngak SOMOL ni dariy bang u downgin bagyad nib kireb.

Joel 1:13

Gimed e pi prist ni gimed ma pi’ fapi maligach u daken e altar e nga mon’ed nga dakenmed e mad ni tutuw ngam yorgad, marod ngalan e Tempel ngam yorgad ni polo’ e nep’! Dariy e grain ara wayin ni ngam pi’ed ngak e Got romed.

Numbers 15:9

ma ba maligach ni grain ni nel’ e pawn e flour ni kan athkuy aningeg e pint e gapgep ni olive ngay e nge pi’,

Numbers 28:13

mra reb fapi saf ni kab bitir ma l’agruw e pawn e flour ni yigagen ni kan athkuy ko gapgep. Pi maligach ni mo’oruf ney e bogi maligach ni ggan, ni bfel’ bon u wan’ SOMOL.

Numbers 28:15

Ma gin nib dachug ko fare maligach ni mo’oruf u gubin e rran nge maligach ni wayin riy, e ngan pi’ reb e kaming ni pumo’on ni maligach ko denen.

Numbers 28:7

Ma fare wayin ni maligach nib mu’un ko bin som’on e saf, e ngan pu’og l’agruw e pint riy ko fare altar.

Numbers 29:18

Mu pi’ed nib mu’un e tin ba’aram e maligach ngay ni kan duwgiliy ni fen e bin som’on e rran.