Numbers 26:65 - Bible Ni Thothup

⁶⁵ I yog SOMOL ni yad gubin ni yad ra yim’ u daken e ted, kemus ni Kaleb ni be’ nib pagel ni fak Jefunneh nge Joshua ni be’ nib pagel ni fak Nun e yow ra magey.

Numbers 26:65 Iomraidhean Croise

Psalms 37:9

Pi’in nib pagan’rad ngak SOMOL e yad ra tafnay e nam, ma pi’in kireb e bay ni tulufrad nga wuru’ e nam.

Exodus 12:37

Piyu Israel e ra chuwgad u Rameses ngranod ni yad be nameg yu Sukkoth. Urngin e pumo’on e gonapan 600,000 nranod u but’, nda nthe’eg e ppin nge bitir.

Numbers 14:26

Me ga’ar SOMOL ngak Moses nge Aron,

Numbers 14:32

Gimed e bay mm’ad u roy u daken e ted.

Numbers 14:35

Kug micheg ni bay gu rin’ e pin’ey ngomed e girdi’ ni kireb ni kam barba’gad kam togopluwgad ngog. Gimed gubin ni bay mm’ad u roy u daken e ted. I Gag SOMOL e kugog e pi thin ney.’”

Numbers 14:38

Machane Joshua nib mo’on ni fak Nun nge Kaleb nib mo’on ni fak Jefunneh e yow e darm’ow u fithik’ fapi pumo’on npi’rad ni ngar damit niged fare nam.

Numbers 27:3

“Chitmangimad e ke yim’ u daken e ted, ma dariy fak ni pumo’on. De cheg ngak pi chongin Korah, ni fa’anra togopluwgad ngak SOMOL; denen rok e ir e yim’ ni bochan.

Numbers 34:19

Ba’aray e pi pumo’on ni SOMOL e mel’egrad: Ganong Mitethin Judah Kaleb nib mo’on ni fak Jefunneh Simeon Shelumiel nib mo’on ni fak Ammihud Benjamin Elidad nib mo’on ni fak Kislon Dan Bukki nib mo’on ni fak Jogli Manasseh Hanniel nib mo’on ni fak Efod Efraim Kamuel nib mo’on ni fak Shiftan Zebulun Elizafan nib mo’on ni fak Parnak Issakar Paltiel nib mo’on ni fak Azzan Asher Ahihud nib mo’on ni fak Shelomi Naftali Pedahel nib mo’on ni fak Ammihud

Roma 11:22

Ren’ey e be dag ngodad feni gol Got nge feni gel e thin rok. Ba gel e thin rok ngak e pi’in kar mulgad, machane ba gol ngom — ni fa’anra um par u fithik’ e gol rok; ma fa’anra dab mu par, ma ku errogon gur ni bayi t’arem nge n’igem.

Deuteronomy 1:36

Kemus ni yi go’ Kaleb nib mo’on ni fak Jefunneh e ra thap ngaram. Ya ke par nib yul’yul’ ngog. Ere bay gu pi’ ngak Kaleb nge pi’in owchen fare nam nike lekag.’

Joshua 5:4

I rin’ e ren’em ni bochan e urngin e pumo’on ni kar ilalgad ni yad ra bung ko mael ko ngiyal’ ni rchuwgad u Egypt e karm’ad u kanawo’ u daken e ted ko ngiyal’ ni yad be milekag.

Jude 1:5

Yigo’ gimed manang urngin e pin’ey, machane gu ba’adag ni nggu puguran ngomed rogon ni ayuweg Somol piyu Israel nge chuwegrad ko nam nu Egypt, machane fa’ani tomur riy me thang e fan rok e pi’in nde mich Got u wun’rad.